ORF TVthek | Servus, Szia, Zdravo, Del tuha | 9. Februar 2020
I Katharina Janoska tumen schukar andar i europitiki maschkarutni ischkola Erbatar akaral, ande savi o gondolipeskero mulatintschago, ando 4. feberi, le opferenge le bombakere atentatistar upro schtar Roma angle 25 berscha kesdintscha.
Use aja kirati akarde o Wolfgang Sobotka, presidento le nacijonlrotistar taj i Manuela Horvath, schero andar i Roma-Pastoral la diöcese Tikne Martonatar.
Servus, Szia, Zdravo, Del tuha | 9. feberi | 13:05 orenge | ORF 2 Burgenland
Filmiskero projekto le ischkolaschendar ojs historischi upre butschalinipe
Ande lipeha le ischkolaschendar la europitika maschkarutna ischkolatar taj duj meschterendar anglo gondolipeskero mulatintschago jek projekto uso upre butschalinipe le atentaistar anglo 25 berscha kerdo ulo. Holocaust, flogoskere grupn, bombakero atentato taj palgondolipe sikade o koji, save le ternenge ande lengero dschanipe falintscha. Jek film, save on söbt producinrinde, ando kesdipe le gondolipeskere mulatintschagostar andi ischkola presentirim lo ulo.
Pali filmiskeri dokumentacijon, jek vakeripe alo le Gerhard Baumgarneristar, visenschoftlichi schero le dokumentacijoniskere archivistar le austritike viderschtaundistar ojs gondoskero pomoschago.
Podijumakeri diskusijona | 25 berscha palo atentato
Le gondolipeske le atentatistar Erbate, upral i rat le 4. upro 5. feberistar 1995, mulatintscha i Roma VHS andi koperacija la „AK-Bücherei"iha jek podijumakeri diskusijona. Khetan palgondolim ulo upre ada di, savo ojs di le teroristar andi historija ande gelo.
Palgondolipeskeri buti | Cirkusiskere dschene ando nacijonalsocijalismus
O aktujeli magacin akan te pedar jek tema phukal, savo na meg asaj esbelipe uschtidija andi historija la flogoskera grupnatar. „Vergessene Kosmopoliten“ butschol jek forschinipeskero projekto upri universiteta Helsinki, savo upro cirkusiskere dschene ojs opfertscha le nacijonalsocijalismusistar, save dschiakan na esbelipee uschtidine, palgondolim ol. But le tradime cirkusiskere familijendar dschidovtscha, jenischi taj Roma taj Sinti sina. Pedar khetan khelipe la forschungatar taj artistischi akcijonendar kamla o projekto alternativi schajiptscha andi sikadipeskeri- taj palgondolipeskeri buti upre te sikal. Upri pedagogischi utschi ischkola Tikne Martonatar amen use jek sikadipeskero seminar o workshop la performance grupnjatar CiNS kherodijam.