Yad Vashem in Jerusalem, Holocaust Museum
Ammar Awad | Reuters
Ammar Awad | Reuters
Roma sam | International Holocaust Remembrance Day

Roma sam | Internacijonali holocaustiskero gondolipeskero di

O internacijonali di le gondolipestar upro opfertscha le holocaustistar | International Holocaust Remembrance Day, ando 27to jeneri ando bersch 2005 le khetane nacijonendar uso gondolipe upro holocaust taj uso berscheskero di le putrinipestar le logeristar Auschwitz-Birkenaus, kerdo ulo.

On demand | Roma sam | 20.1.2020

Ada bersch imar 75 berscha hi, kada o logeri Auschwitz putrim ulo.

Jek prindschardi and tschapimi ando logeri Auschwitz sina i pisimaschkija taj kinstlerkija Ceija Stojka, savi angle 7 berscha ando 28to jeneri muli. Oj ando bersch 1943 pra dajaha taj pra phenjaha ando logeri Auschwitz-Birkenau ledschim uli. I Ceija use jek betschitiki Lovara familija kerinlahi taj oj andi sendung pre terdschijiptscha uso aunajipe ando logeri Auschwitz phukal.

Ceija Stojka in der KZ-Gedenkstätte Bergen-Belsen mit einem ihrer Werke. Sie war zehn Jahre alt, als sie mit ihrer Mutter und den fünf Geschwistern wie tausende von Sinti und Roma in das so genannte Zigeunerlager nach Auschwitz deportiert wurde. Später wurde Ceija Stojka ins das KZ Bergen-Belsen in der Lüneburger Heide gebracht. (2.3.2003)
dpa/dpaweb/dpa/Rainer Jensen
Ceija Stojka

But, save Auschwitz ledschim ule oni upre pisinipe mindschart ando gas bitschade ule. Ando erschti deschberschengero pal o haburiskero kisetinipe, falati le and tschapime dschenendar bejg sina, vaschoda tschak scheciniptscha ar dim ule. O gendo le murdarde manuschendar usar 1,1 dschi 1,5 milijoni hi, tel lendar 15.000 Roma taj Sinti.

I Austrija 1997 jeke phendoha le nacijonakere rotistar gejng o 27to jeneri ojs holocaustiskero-gondolipeskero di ar pe vakertscha, ov o 5to maj, o di le putrinipestar le logeristar Mauthausen, ojs sako berscheskero nacijonali „gondolipeskero di gejng bibastalipe taj rasismus ando gondolipe upro opfertscha le nacijonalsocijalismusistar“ tel likerel.
Ham te andi Austrija ando 27to jeneri o internacijonali holocaustiskero di mulatim ol.

5th Holocaust Forum Yad Vashem 23. Jänner 202, Alexander Van der Bellen
Peter Lechner/HBF und Haim Zach
Bundakero presidento Alexander Van der Bellen

O ada berscheskero gondolipeskero di ando 27to jeneri, savo o putrinipe le logeristar Auschwitz la lola armejatar angle 75 berscha upre sikal, andi Austrija ando cajchn le kejmpfinipestar gejng o antisemitismus terdschol.