Sajt o ardipe la tschavengera- taj ternengera kenvatar „Elsejakeri historija“ le Michail Krausnickistar ando bersch 2007 i historija la tikna Else Schmidtatar o vodschi but manuschendar aun astartscha.
I Else Schmidt tschak vasch lakero flejginipeskero dad Emil Matulat prik dschivtscha. Lakero ar mukipe andar o logeri sar jek vunderi hi. Ham o terdschijipe hori heftscha taj jek pujsto tschito manuschengero dschivipe pal mukla.
Oj upro lek nasoraleder opfertscha le rasismusistar, le maripestar taj le haburistar pal te gondolinel amen mukel: o tschave. Oj mujsinel amen, hot adi bejg te na dikas, te tschave use opfertscha on taj amaro pomoschago lenge pekal, taj tschaven te patschajipeha ando latschipe upre te bartschol te mukel.
O upri website www.elses-geschichte.de khetan kedime informaciji le genaschkijen taj genaschtschen uso talalinipe la Elsejakera historijaha te pomoschinel kamna. O informaciji jek barikano and ulajipe le phukajipestar ando historischi kontekst bajder vodinipeskere linkenca taj literaturakere aundipenca del. O pedagogischi materijaltscha aundefiniptscha taj butjakere materilatscha jeke mek horeder donde bescharipeske la kenvaha le tschavenca taj ternenca del.
I website ando ar le berschestar 2019 prik butschalim uli, uso prik butschalinipe le pedagogischi materijalendar meg butschalim ol. O sikajipe la internetakera rikatar akan upri basis jeka neva grafischi riktschatar te dikel ovla, ande savi jek nevi interaktivi PDF informacijenca taj te i akan dimi PDF le butjakere materijalenca taj butjakere upre dipenca ande phandle te on.