O Heinrich Dorner ande pro vakeripe uso gondolipeskero mulatintschago ari asdija, hot o Emmerich Gärtneer-Horvath sajt 1989 le burgenlanditike Romenge ande pe bescharel taj sajt odotar aun but funkcijontscha la flogoskera grupnake le Romenge kerel. Sajt 2017 ov, palo mulipe le Rudolf Sarközistar, i funkcijona le flogoskere grupnengere bajrotiskere anglebeschtostar prik lija. Ov la flogoskere grupnake but kertscha, afka i thaneskeri regirung le prik dipeske le „Ehrenzeichen"istar le Gärtner-Horvathiste pe ar vakertscha. O mangipe adale patijaripestar le Kulturakere farajnistar le austritike Romendar Betschistar ar gelo.
O patijaripeskero uschtidaschi uso prik dijipe anglo gondolipeskero than ande Lackenbach igen loschando sina. Ov dschantscha, hot o Kulturakero farajn aja joma le patijaripeske kertscha, ham ov na gondi peske kertscha, hot ada ando keripe le nacijonali gondolipeskere mulatintschagostar ande Lackenbach ovla.
O Emmerich Gärtner-Horvath uso aunprindscharipe le Romendar ojs flogoskeri grupn le Romendar andi Austrija buti use kertscha, kaj use pelo. O lek barikano projekto, ando lejcti 25 berscha, dikel ov o terdschivipe la Romana tschibtschatar. O Gärtner-Horvath pe mindig le upre likeripeske la kulturatar taj la Romana tschibtschatar le burgenladitike Romenge ande bescharel. Ada te o aun paschlaripe le farajnistar Roma-Service andi Erba, savo andeo bersch 2003 kerdo ulo, hi.