I cimbal ande Großwarersdorf pal geli | Stefan Pišti Horvath
I cimbal le barikane khelaschistar Stefan Pišti Horvath ande Großwarersdorf pal geli. Pal 63 berscha ov pro kamlo instrumento otscha dija, kaj lo igen nasvalo hi. O Pišti, jek horvacko „Zigeuner“, sar ov peske phenel, pra cimbalaha ando cile vilagi phirlahi taj igen barikano lo hi, kaj ov la Austrija but poltikerenge taj monarchenge te fatretinenel tromtscha.
Leskero pajtaschi andar i ischkolakeri cajt o Joško Vlasich taj o biro andar Großwaresdorf Rudolf Berlakovich i historischi cimbal Betschistar kher ande.
Baranka Park gondolipeskero mulatintschago
Sar sako bersch ta ada bersch o Baranka Park gondolipeskero mulatintschago ando 20. Maj uso di kada o Johann „Mongo“ Stojka upro them alo tel likerdo ulo. Khetan upro opfertscha le Romendar taj Sintijendar ando nacijonalsocijalismus, fatretim but kinstlerendar pal gondolim ulo.
Organisirim ulo o gondolipeskero mulatintschago sar sako bersch le farajnistar „Voice of Diversity“.
Gondolipeskero than ande Ritzing
Ando maj andi gemajndi Ritzing 21 opferenge le nacijonalsocijalismusistar, 18 lendar Roma taj 3 euthanisijakere opfertscha, le pradipeske use gejipe kerdo ulo. Trin di angloda bescharde flogoskere grupnengere dschene taj Ritzinger jek cajchn gejng o pobisteripe, kaj on pumare jomi ando betonakere kariki, save jek falato le gondolipeskere thanestar hi, pal mukle.
O (na)diklo hango i identiteta ledschel
Ande amari serija „O (na)diklo hango i identiteta ledschel“ amen das tumenge ande dikipe andi buti terne Romendar. Afka kamaha amen talentirti dschenenge andar i flogoskeri grupn o alav te del. Ando adivesakero ardipe terdschares amen la schauschpilerkija, fotografkija taj kinstlerkija Ioana Spataru angle.