Roma sam

Jek dschivipe, vidmim la visenschoftake, forschinipeske taj le tschulipenge | Gerhard Baumgartner

O historikeri taj schero le dokumentakere archivistar le „Österreichischen Widerstands“, Gerhard Baumgartner uschtidija ando Juni 2019 o „Österreichische Ehrenkreuz“ la visenschoftake taj kunstake. Ada utscho patijaripe hi, savo o than ando keripe visenschoft taj kunst otscha del.

On demand | Roma sam | 2.9.2019

Andreas Sarközi, Dr. Gerhard Baumgartner, Christian Klippl (v.l.)
KV Roma
(balutnon) O Andreas Sarközi, Gerhard Baumgartner, Christian Klippl | dipe „Österreichische Ehrenkreuz“ Juni 2019

O Gerhard Baumgartner ando bersch 1957 Erbate upro them alo. Ov upre bartschino ande Siget, kaj lo imar but tschibtschengerenca pregim sina. Jek koja, savo leskero interesi le tschulipendar ando Burgenland tschangatscha.

O Baumgartner duj tschibtschenca upre bartschino, ungrika taj nimtschko. Ham te la horvacka taj Romana tschibtschaha imar frija ando kontakto lo pelo. O but tschibtschengero leske imar ando kesdipe valaso antscha, te vaschoda gelo avre tschibtscha te siklol.

Gerhard Baumgartner
ORF

Kada lo terno sina o historikeri, kamlahi ov architektura te schtudirinel, leskero dad ham kamlahi, hot fischgaroschi lo te ol. Dur paloda kesdintscha ov historija te schtudirinel, use pelo meg o englitiko. Harne te ojs journalist ando ORF buti kerlahi usi radijoakeri sendung „Radio Pannonien“. Upri universiteta ande Tel Aviv ov jek bersch dur sikavlahi, dschi ov ando 1990-iger berscha papal andi Austrija uso ORF pal alo. Andar o bersch 1994 dschi 2011 sina ov butjaschi andi ungriki flogoskerio grupnengeri redakcija. Oja buti dija leske o schajipe pro historischi forschinipe angle te tradel.

Use leskere forschinipeskere punktscha genen „Widerstand und Verfolgung 1938-1945“, „Verfolgungsgeschichte der Roma und Sinti“, „Umgang der Republik Österreich mit der NS-Vergangenheit“ taj „Geschichte der nationalen Minderheiten im Burgenland“. Imar ando kesdipe vidmintscha ov pri buti le tschulipenge taj lengera historjake ando nacijonalsocijalismus – o mulatintschago Erbate le anaveha „Ausnahmsweise Oberwart“ o aundradipeskero kereko leske sina.

Züge in die Vernichtungslager
Bundesarchiv

Andi neksti sendung o historikeri Gerhard Baumgartner pedar o forschinipeskero pharipeskero punkto "Verfolgungsgeschichte der Roma und Sinti“ vakerla.

Telal leskero nipo le Gerhard Baumgartneristar dija, sar use but avre austritike, nacijonalsocijalistscha. Ov pedar i historija pra familijatar dschanel. O dschene ham akan o ferantvoatinipe le keripeske lengere nipostar naschtig prik len, on ham iste pumen la historijaha donde bescharen, kaj ada bibasdtalo keripe schoha na pobistedo te ol taj ando gondo te atschel. Asaj koja na tromal schoha buter te al, taj ande amaro ferantvoatinipe paschlol, phenel o Baumgartner.

O keripe la republikatar Austrija la historjatar duj kojenca te dikel hi. Sik alo palo dujto haburi usi posicijonirung ojs opfertscha. Te o fa urtajlinipe taj ande tschapinipe le agune nacijendar andi Austrija na tschatschikan kerdo ulo, sar ham andi Germanija, phenel o historikeri use.

O „Österreichische Ehrenkreuz“ la visenschoftake taj kunst uschtidija o Baumgartner upro mangipe jeka Roma organisacijatar. Ada le historikeriske igen bari voja kerel.