Servus Szia Zdravo Del tuha

Servus, Szia, Zdravo, Del tuha | 11. august 2019 | ORF 2 Burgenland

O kulturakero dipe le thanestar Burgenland uschtidija ada bersch o Stefan Horvath, i erschti Sintijakeri mischa ando betschitiko Stephansdom, Saška Dimic | Hiphop trenerkija, performerkija taj o Roma 2019 o temtscha andi sendung hi.

Stefan Horvath
ORF
O Stefan Horvath

Thaneskero kultarakero dipe le Stefan Horvathiske

Stefan Horvath
ORF
O Stefan Horvath

Uso bombakero atentat ando feberi 1995 jek bibastalo pharipe le resla, jek leskere tschavendar murdardo ulo. Oda o kesdipe leskere literaturakere keripestar sina.

Odotar aun o pisinaschi Stefan Horvath literarisch pro hango asdel gejng o pobisteripe taj rasismus. Leskeri literatura butvar dipenca patijardi uli.

Na dur o Stefan Horvath o kulturakero dipe le thanestar Burgenland uschtidija.

Romengero ladipe Cejiste Ando 11. august o 24. var o tradicijoneli ladipe Cejiste ande Mariazell tel likerdo ol. Sar mindig te ada kurke 10:00 orenge i mischa celebririm ol.

Erschti Sintijakeri mischa Betschiste ando Stephansdom

O Jazz-akero muschikaschi Alois „Zipflo“ Weinrich ando 16. juni pro 55. di kada upro them alo mulatintscha. Godschikan use ada di ando betschitiko Stephansdomo o erschti var – ando gondolipe le muschikaschiske savo ando lejcti bersch mulo i „Zipflo-Weinrich-Sinti-Mischa“ tel likerdi uli. Tschak ande trin ori o Weinrich aja mischa te komponirintschahi taj leske mindig barikano sina, kaj leskeri tschib leskera flogoskera grupnatar – le Sintijendar – na naschadi dschal.

Erste Sintimesse im Stephansdom
ORF
„Zipflo-Weinrich-Sint-Mischa“

I mischa sina te le Sintijenge ande avre vilagi jek schajipe, pumen te talalinel taj lengero patschajipe andi dajakeri tschib te mulatinel.

Samual Mágó & Saška Dimic
ORF
O Samuel Mágó & i Saška Dimic

O (na) diklo hango | Saška Dimic | Hiphop trenerkija, performerkija

Ande amari serija „O (na)diklo hango ledschel i identiteta“ das amen tumenge ande dikiptscha andi buti terne Romendar taj Romnijendar. Afka kamaha amen le talentirti flogoskere dschenenge anglo forhaung te molinel.

Saška Dimic
ORF
I Saška Dimic

Ando adivesakero ardipe terdscharas amen tumenge la Hiphop trenerkija taj perfprmerkija, Saška Dimic andar Betschiste angle.

Roma Butschu 2019 | Flamenco Academia
ORF
Academia Flamenco

Servus, Szia, Zdravo, Del tuha | 11. august 2019 | 13:05 orenge | ORF 2 Burgenland | Live

Roma Butschu | Roma Kirtag 2019

O tradicijoneli Roma Butschu sar sako bersch ando juni upro mulatintschagoskero rito Schuh andi Bari Boslina tel likerdo ulo. Jek mulatintschago le kulturendar taj flogoskere grupnendar. Pasche o Roma kinstlertscha, fatretim duach i banda Romano Rath taj David Samer Trio, te i ungriki flogoskero khelipeskeri grupn Siget taj i horvacki banda Pannonix upre tretinde.

Historijakero cajtakero roasinipe | Genipeskeri kenva ando flogoskere grupnengere tschibtscha

„Cajt cu cajt ande Burgenland“ o anav jeka kenvatar le tschavenge, kaj o arodipe la historijatar le thanestar te lakel hi. Aja kenva pasche o burgenlanditike tschibtscha nimtschko, horvacko, ungriko te andi Romani tschib ari ali.

Harnon anglo kesdipe le nugodinipendar presentirintscha i sikadipeskeri thaneskeri rotkija Daniela Winkler khetan le meschterkijenca ada historischi cajtakero roasinipe andi ischkola Parndorf.

Susanne Horvath & Emmerich Gärtner-Horvath
ORF
I Susanne Horvath & o Emmerich Gärtner-Horvath

Vakeripe le Gärtner-Horvathiha

I Susanne Horvath vakerel pedar o pomoschago la flogoskera grupnatar le Romendar taj Sintijendar ando ajipe le nacijonalrotiskere völinipestar ando 29. septemberi 2019 le anglebeschtoha le flogoskere grupnengere bajrotistar Emmerich Gärtner-Horvath.