Roma Sam

Harri Stojka | leskeri nevi CD „Psycho Guitar“

O barikano muschikaschi Harri Stojka ande juli pri nevi CD le anaveha „Psycho Guitar“ ari dija. Kada ov pe ando lejcti berscha la Romana muschikake vidmintscha, akan ov papal use pre Rock- taj Jazz vurclini pal gelo.

On demand | Roma sam | 29.7.2019

I Katharina Janoska le ande leskero kher Betschiste Ottakring kherodija, kaj schaj leha pedar leskeri nevi CD vakeren. O gondo use aja CD sina, kaj akan i cajt hi papal neveske, phenel o Stojka.

Psycho Guitar | Nevi interpretacija le Jazz taj Rockistar

Le Miles Davisistsr taj Billy Cobhamistar dschi use ajgeni komposicijontscha sar „The Day Of Red Wine Noses“ laken pumen upri nevi CD. Leskeri muschika, ekspresiv taj but dschumipeha le use schunaschi ari mangel. Te leskeri rockigi versijona la bundakere hymnatar schunen tumen ojs bonusakero use tschijipe upri nevi CD, savi o Stojka ojs jek „Hommage“ upre leskero hajmatiskero than Austrija dikel.

Psycho Guitar | Cover des Albums von Harri Stojka
harristojka.at

„Na te patschal: Muschikane- taj avre G’schichtlini“

Stojka use oda pal dschal, so le prindschardo kertscha: uso Jazz taj uso Rock. Kekaj ov adi jek barikaneder dschivipe kerel, sar uso kesdipe leskera karijeratar, phenel o muschikaschi. Akan dschanel ov upre soste aun perel taj so ando dschivipe tschatschikan barikano hi. Leskere „Fans“ le betschitiske kamle atschine, kekaj ando lejcti berscha avre hangi lestar te schunel sina. Use leskere lejcti koncertscha ov mindig anekdotscha andar pri kenva phukal „Na te patschal: Muschikane- taj avre G’schichtlini“ – o betschitiko schmeh, ada hi lo, so le ar patijaterel taj so ov pre hajmatiskere forostar kamel.

Harri Stojka
harristojka.at

„Betschitiko, Muschikaschi, Rom“

O Stojka na pe ande jek lodlina te dschuminel te mukel kamla taj nisaj schtempl upre te dschuminel. Ov betschitiko, muschikaschi taj Rom hi. Ham lek feder pe ojs manusch dikel, savo nisaj arkeripeske telal paschlol. Etnischi strukturengere gondendar ov nischta na likerel taj terne Roma kinstlerenge o gondo te del kamla, na ande jek tschulipengeri lodlina pumen te dschuminel te muken. Tschak o manusch genel, katar ov al vaj ko lo hi na genel Taj paloda o Harri Stojka dschil.