Roma sam

„Revolucija“ | Nevi CD le Janoska Ensemblesistar

Pal lengero legenderi album andar o bersch 2016 „Janoska Style“, savo ando „Musikverlag Deutsche Grammophon“ pal tschule masektscha o somnakuno schtatus resla, al akan, o dujto kunstakero verk „Revolution“.

On demand | Roma sam | 22.7.2019

Duach jek dinamischi khetan cidipe duj hegedujendar, jek klaviratar taj jek bumbaha facauberinde papal o Janoska le glajchi muschikane falog.

Janoska Ensemble
Janoska Ensemble

Seit 120 berscha la klasikake vidmim, del akan o falog „explosiv-kreativen“ Janoska kevirinipe maschkar klasik, ajgeni komposiciji taj o „evigi hits le Beatlesendar“ ari.

Janoska Ensemble
Janoska Ensemble

I Yvonne Erdost resla le kvartet harne use jek presejakeri konferenca Betschiste taj le migliderenca Ondrej taj František Janoska, sar le Julius Darvasiha pedar lengeri barikani muschika vakertscha.

O JANOSKA ENSEMBLE le trin phralendar Ondrej, upri hegeduja, František, upri klavir taj Roman Janoska, papal upri hegeduja, khetan le schogoriha Julius Darvas, upri bumba, 2013 kerdo ulo.

„Amen kamaha te upri amari dujti CD i klasischi muschika te revolucijirinel. Duach i improvisija amare Janoska styliha. Afka upre amari CD ajgeni komposiciji taj te duj dschila le Beatlesendar upre hi. Amen i CD Betschiste keras, ham adala duj dschila ando baro foro London upre lijam, kaj amen gondolinas, hot avka feder prik avna", phenel o hegedujaschi Ondrej Janoska.

Janoska Ensemble
Janoska Ensemble

I kunst le improvisirinipestar, savi imar andi barokakeri muschika pro barikanipe sikatscha, loke naschatscha pe, phenel o Darvas, afka vaschoda i banda peske upre dija aja kunst andi klasik papal upre te lel, phenel loschane o bumbakero muschikaschi.

Andar o betschitiko „Konzerthaus“ dschi usi „Opera House"v ande Sydney. O Janoska Ensemble pra muschikaha taj pra familjiakera tradicijaha le cile dschenen upro cile vilagi facauberinen. Dschi usi schovti generacija le Janoska Ensemblejistar o muschikane vurclini pal dschan. Ham ada nischta iste vaschoda ar phenel.

Janoska Ensemble
© Florian Simon Linke

Lengera profesijonalietaha taj lengera ajgeni barikana muschikaha on ada sa resle.

O linaj lenge o bühntscha prade le krejativi muschikane kvartetiske. O Janoskas laden andar i Espanija pedar i Svecija taj Holand, Germanija, Horvacko taj Austrija. Schaj hot te tumen o schajipe laken, len te dikel. Upro roasinipe vaj khereste.