Roma sam

Usar „Zigeunerschnitzel“ dschi uso „Igelgulasch“ | Sterejo tiptscha andi kojnha le Romendar“

Ada bersch sina o internacijonali kulturakero historischi simposijum o 50. var ande Mogersdorf. Fatretertscha andar i Austrija Ungriko, Horvacko taj Slovenija odoj sina, kaj schaj pedar o temtscha „Karge Kost" taj „Herrschaftstafel“ vakerde.

Roma sam | 8.7.2019

I literaturakeri visenschoftlerkija Katharina Janoska odoj jek vakeripe pedar o sterjo tiptscha le Romendar andi kojnha taj Romengeri kojnha tel likertscha.

Duj klasischi bejschpülendar – o „Zigeunerschnitzel“ taj o „Igelgulasch“ – phukatscha i Janoska, saj sterejo tiptscha o Roma arbescharde sina taj meg mindig hi. Oj kesdintscha jeke historischi tel tschinipeha, kaj schaj phukatl, sar o „Zigeuner“ ando naschipe la cajtatar use jek produkto kerde ule,
andi rejaliteta, ham te ande kunstakere formtscha sar andi literatura, operetscha ham te andi pop-muschika.

Zigeunerbaron historisches Plakat
Archiv

Uso erschti Romani kongres 1971 tel pisim ulo, hot o anav Roma la flogoskera grupnake lim ol. Ham kaj meg midig o anav „Zigeuner“ lim ol, jek koja hi, savo na te hajol hi, phenel i Janoska. Erscht ando maschkarutno le 20. schelberschestar kesdim ulo o „Zigeunerschnitzel" vaj "-braten“ upro habeskere kartschi te del. Angloda odo habe „Schnizel“ ande "Paprikasauce“ butscholahi, jek entviklinipe savo le burgenlanditike tourismusiha te kerel hi, phenel i Janoska taj andar jek blog jek citato le historikeristar Herbert Brettl citirinel.

Zigeunerschnitzel
Archiv

Na tschak o „Zigeunerschnitzel“ jek rasistischi keripe hi. Ando kojnhengero vakeripe dschi adi jek arphenipe del „á la zingara“ italenitiko le „zigeunerisch"iske. Ada andi klasischi kojnha i feschtimi mindenfelitiki garnitura arphenel. Aunpaschlardo upro feschtime kada le Romane tschajendar taj dschuvlendar, sar andi oper Carmen le Georges Bizetistar andar o bersch 1875 te lakel hi. Jek keripe, savo o kipo le Romendar le gadschenge igen sorale pregintscha.

O dujto bejschpül ando o vakeripe la Janoskatar hi o "Igelgulasch“. Jek habe, savo andar o tschoripe alo. O Roma avutnon le centrumistar taj la diskriminacijatar iste dschivnahi.

Sauce Flasche
Archiv

Len tschulo use gejipe uso habe sina. o joginipe lenge, dschi uso „Niederwild“. kaj o borso use kerinel, fabitimn sina.

Pal poar mangiptscha mindenfelitike Roma organisacijendar – sar andar i Germanija – bare firmendar, hot on pumare produktscha sar „Zigeunersauce“ avro anav te den, meg nisaj positivi arajiptscha del. Meg mindig o „Zigeunerschnitzel“ upro habeskere kartschi te lakel hi, sar te meg o „Zigeuneraufstrich" vaj "-würstel“ taj „Zigeunersaucen“ ando boti.