Deportation der Sinti und Roma
Bundesarchiv
Staatsarchiv Würzburg
ROMA SAM

„Ledschim | Jek vakeripe pedar o droma ando murdaripe“

O betschitiko „Wiesenthal Institut“ sajt 2002 uso nacijonalsocijalismus, soske lo kerdo ulo taj o arvirkinipe lestar, forschinpe kerel. Khetan la ÖBB-aha taj la austritika akademijaha la visenschoftaha akartscha o instituto ada bersch, 80 bercha palo kesdipe le bibastale dujto themeskere haburistar, use jek konferenca.

On demand | Roma sam | 24.6.2019

„Ledschim. Faglajchinipeskere perspektivtscha upri organisacija le dromestar ando murdaripe“ sikal maschkarutne europitike droma, savi i lek bareder briga manuschendar le manuschenge kerde.

Omer Bartov
Watson Institute
Omer Bartov

O renomirti historkeri taj pisinaschi Omer Bartov vakeraschi usi konferenca uso betschitiko „Hauptbahnhof“ sina. O profesori la europitika historijatar taj nimtscke schtudijendar upri „Brown University“ andi USA jek vilagoskere historikeri ando forschinipeskero koja le flogoskere murdaripestar hi. Upro them alo ov ando Israel.

Züge in die Vernichtungslager
Bundesarchiv
Omer Bartov | Anatomy of a Genocide
Watson Institute

"Mre gondi mindig vascho flogoskero murdaripe pumen kekerinen, sar o falikeripe maschchkar o opfertscha taj tetertscha upre hi. Ando flogoskero murdaripe, savo le nacijonalsocijalistendar kerdo ulo, o astariptschengere punktscha maschkar o duj gruptscha igen tschulo sina, i opferengeri grupn ledschim uli, andar o dikipe le manuschendar.

Ando 1990iger berscha papal duj flogoskere murdariptscha dija, jek ande Ruanda, jek andi Bosnija. Ada na dija nisaj garujipe, nisaj distanca uso bibastalipe, adaj o nochbertscha le nochberendar murdarde ule. Man o interesi hi, soske taj sar asaj koja schaj kerdo ol.

1995 mra dajaha vakertschom pedar lakero terdschivipe, lakero ari tradipe andar jek tikno gav andar i Polnija, Buczacz, katar te o Simon Wiesenthal al. Ande mre schtudije mindig esbe lav, hot o bibastalipe andrutnon le khetanipestar bartschol taj na tschak avrutnon inficirim ol", phukal o historikeri Bartov.

Na tirinipe, gevojlt, diheschnojipe, adala sa pulvarakere hordi hi. O aundschivtscharipe la dorikatar adala pulvarakere hordijendar tschak jek pradipeskero mobiljakero keripe tel dikipeha pekal, kaj adala manuschengere esbelipeskere hordi te eksplodirinen. Kaj asaj eksplosijontscha uso bibastalipe schaj dschan, sikan o deportaciji le nacijendar na kamle manuschendar.

ÖBB Ausstellung | „Verdrängte Jahre – Bahn und Nationalsozialismus in Österreich 1938 – 1945“
ÖBB

ÖBB ojs viderschtaundiskere mogo taj te jek mochtiskero instrumento

Butschaschtscha taj butschaschkiji andi Austrija, avrijal gejng o viderschtaund ando nacijonalsocijalismus sina, sar lengere nimtscke kolegtscha. Pedar 2000 lendar ando logertscha ledschim ule, valami 300 pumaro ileto odoj naschade.

Traude Kogoj | Käthe Leichter-Staatspreis für Frauenforschung, Geschlechterforschung und Gleichstellung in der Arbeitswelt ausgezeichnet
Regina Eigner BKA
Traude Kogoj (maschkarutno)

Grod o austritike bundakere srastuntscha, agun BBÖ, lenca te o „Eisenbahner“ taj „Eisenbahnerinnen“, sina ando dujto themeskero haburi cuglajch instrumentscha le mochtiskere kojeske la politischi diktaturatar, le nacijendar. Jek sensibli gondoha la historijatar bescharel pe akan i ÖBB le artschijipeha „Verdrängte Jahre. Bahn und Nationalsozialismus in Österreich 1938-1945“ donde, phukal i Traude Kogoj, upre dipeskeri andar i „Diversity“ la ÖBB-atar.