Ioana Spataru | „Identiteta buteder hi sar jek tschib“

I schauschpilerkija, fotografkija taj aktivistikija Ioana Spataru adi use amende andi sendung hi. Oj andar jek rumenitiki-ungriki Romengeri familija le Lovarajendar taj le Romungrejendar al. I 22-berschengeri Romni usi erschti generacija ande lakeri familija kerinel, savi nisaj Romanes na vakerel.

On demand | Roma sam | 6.5.2019

Ioana Spataru ando feberi jeka reporterkija ando falato „Schachnovelle“ le Stefan Zweigistar kheltscha, savi ando keripe le projektostar „Sampling Europe - Rumänien“ ando betschitiko Pygmaleon teateri andi rumenitiki tschib te dikel sina.

Akan, oj fotografija upro koleg andi utschi grafischi bundakeri siklipeskeri- taj probalinipeskeri ischkola Betschiste schtudirinel taj andi sendung pedar lakero keripe ojs fotografkija taj pedar i definacijona la identitetatar taj la schpiritujalitetatar vakerel.