Dajakeri tschib | PH Burgenland le historischi kesdipeha
ORF
I Sabine Weisz, direktorkija la Pedagogischi Utschi Ischkolatar Burgenland, loschanel pe, hot lakeri ischkola aja joma uso upre likeripe jeke barikane faktoristar la burgenlanditika kulturatar akan schaj kerel.
Te dosta aunmejdiniptscha dija (pantsch dschene iste le on) akor le dschevendeskere semesteriha 2019/2020 ada butjakero vodinipeskero sikavipe, ande blokime sikavipeskere ori | 10 kurke ando semsteri (paraschtun 13:45 – 20:30 orenge, suboton 8:00 – 18:45 orenge) schaj kesdinel.
Ando 3ti semesteri akor o tschibtschakero pharipeskero gendo „Roman“ del.
ORF | Yvonne Strujic-Erdost
Akan o Burgenland Roman | Burgenland Romani, kekaj te aja tschib ando tschulipengero ischkolakero tschatschipe ando Burgenland tel pisim hi, ando burgenlanditike ischkoli na sikado ol, so te upro falinipe le meschterendar adala tschibtschake paschlol, phenel i ischkolakeri inschpektorkija le tschulipengere ischkolakere kojastar le thaneskere ischkolakere rotistar Burgenland, Karin Vukman-Artner.
BAKIP
Online aunmejdinipe dschi uso 15to maj
O online aunmejdinipe vasch o uprelipe meg dschi uso 15to maj naschel (pascho koridor: 1ti juli – 14to august 2019), paloda avre uprelipeskere- taj ajgnungakere koji del.
O kesdipe jeke arsiklipeskere sikavipestar le dschenendar, save meschtertscha/meschterkiji la tschibtschake Roman | Burgenland Romani-kompetenctscha te ol kamna, jek barikani joma la flogoskera grupnake ovlahi. Akan ada upro interesentscha/interesentkiji paschlol, aja persönlichi taj historischi joma te dschal, kaj ada barikano pharipeskero gendo upri Pedagogischi Utschi Ischkola pe schaj manifestirinel.
LINK | Informacija uso schtudijum
Lehramt Primarstufe | usar o oktoberi 2019 butjakere vodinipeha
duripe | ofto semestertscha