Rilke, adventiskeri muschika taj schutle boborki ando Kulturakero farajn le austritike Romendar

O adventiskero genipe ando Kulturakero farajn le austritike Romendar meresch le kherodaschendar taj imar pajtaschendar aun lim ol. On odoj ar pumen schaj parun taj pedar o bersch, savo bojd kisno hi, te vakerel. Ada bersch i schauspilerkija taj musical kheraschkija taj dschilaschkija Tania Golden gentscha.

On demand | Roma sam | 17.12.2018

Oj i lejcti suboton khetan kedime taj loschane phukajiptscha taj poesiji usi adventakeri cajt le Alfred Komarekistar dschi le Rainer Maria Rilkejistar angle gentscha.

I schauspilerkija Tania Golden ando bersch 1966 ande Sydney/Australja upro them ali, oj Betschiste dschil taj butschalinel. Pali matura oj jek arsiklipe ande schauspilerei, dschilavipe, musical upro Schubert konservatorijum, konservatorijum le forostar Betsch, utschi ischkola la muschikake taj kunstake Betschiste. Sajt poar berscha oj te ojs docentkija la muschikana dramatikake taj schauspiliske buti kerel.

I muschika uso genipe kerde i banda Balkan Combo. O Pavle Jovanović | hegeduja, Martin Denić | keyboard, Miljan Zarić | bischot, khelnahi verktscha,sar o „Flocken auf die Seele fielen“.

Ando keripe le adventiskere genipestar ada bersch te o vodschikano dipe na falintscha. O Stefan Svec taj o Josef Novotny terdscharde i pomoschagoskeri akcijona „Gib der Armut das Gurkerl“ angle. O farajn „Direkthilfe: Roma“ khetan le Romenca ande „Okres Rimavská Sobota“ | ando nimtschko „Bezirk Großsteffelsdorf“ boborki taj scha aunbauninen taj o konservirti stakli lendar bikende on.

O foro Rimavská Sobota jek foro hi ando thaneskero becirk Banská Bystrica ando suditiko la Slovakijatar pasche meri ungriki granica. O loj save ande lim on, o Roma uschtiden „trabenge, siklipeske, gadenge taj la tschavengera barake taj kaske nevo hibo vaj petscha pekal“.

Link

Direkthilfe: Roma