„Amen phukavas | Die Vielfalt gegen Vorurteile“
On demand | Roma sam | 24.9.2018
Emmerich Gärtner-Horvath
Roma sam | 24.9.2018 | 20:50 orenge | Radijo Burgenland livestream
Uso kesdipe la kiratar „Die Vielfalt gegen Vorurteile“ o keraschi Martin Horvath angle terdschartscha, so sajt o aunprindscharipe le Romendar ojs autochtoni flogoskeri grupn sa kerdo ulo.
Emmerich Gärtner-Horvath
I Indira taj i Bianca Gussak
O protogonistscha le Romengere micinipestar pumaro alav te asden. Ada Romengero micinipe mindig terne manuschen ande phandel, upre savi i flogoskeri grupn igen barikano hi. Jek lendar i Indira Gussak pre barikane dschilavipeha hi.
Emmerich Gärtner-Horvath
O Georg Rosner | biro Erbatar, o Martin Horvath | farajn KARIKA
Jek barikano vodinaschi la flogoskera grupnatar hi o erbakero biro Georg Rosner. O mindenfelitiko ando foro latscho hi taj o flogoskere grupnengere organisaciji but use kerde, loschanel pe o Rosner. So leske ham phare gondi kerel, hi i bibastali situacija le Romendar ando avre vilagi, save pasche meri Austrija hi. O biro la EU-atar mangel, hot gejng ada valaso iste kerdo ol.
Emmerich Gärtner-Horvath
Kipo le Julius Horvathistar
Emmerich Gärtner-Horvath
O Julius Horvath
Dschidokle o Roma taj Sinti 25 berscha aunprindscharipe ojs flogoskeri grupn mulatinen, mulatinel o fotograf Julius Horvath pro 45. jubilejum ojs kinstleri. Leskere kipi barikanipe le Romengere micinipestar keren.
Emmerich Gärtner-Horvath
Kipo le Julius Horvathistar
Alexander Gussak | Romengero beroteri
Dugi cajt o Alexander Gussak ando Farajn Roma Erba ojs siklipeskero meschteri pali ischkola buti kerlahi. O Gussak palgondolinel upro schukar koji le tschavenca upro mulatintschagi use save on use sina. Jek barikani koja sina o tel pisinipe la Romana tschibtschatar ando Burgenland. I Romani tschib ando socijali mediji igen but lim ol, phenel ov.
Emmerich Gärtner-Horvath
O Janko Flisar pra familijaha
O Janko Flisar andar i Slovenija al taj ande Feldbach ando schtacko jek farajn pratscha. Ada farajn le aunpaschlaripeha slovenitike Romenca pe donde bescharla, save pumen andi Austrija tel mukle taj ando becirk Feldbach buti keren. O Flisar pre dschenenge ande butjakere foroskere politischi koji pomoschinla, nimtschke kurstscha aunbitinla andi koja la europitika integracijatar.
Emmerich Gärtner-Horvath
I muschika uso mulatintschago i Romani banda „Romano Rath“ kertscha.