„Wittgensteinpreis“ la Hemetekake prik dim ulo

I Ursula Hemetek uso barikane dschene andi forschinipeskeri koja use kerinel. Lakera latscha butjake oj o „Wittgenstein-Preis 2018“, o lek utscheder dipe andi Austrija, uschtidija. Andi lejcti srida i Hemetek o dipe Betschiste uschtidija.

On demand | Roma sam | 17.9.2018

Adale lojenca oj but te kerel kamla, te o forschinipe la Romana muschikatar bari rola use khela.

So i Romani muschika resel, schaj oj khetan le
Mozes Heinschinkiha dschi akor na prindschardo dokumentirintscha taj archivirintscha. I Ursula Hemetek palgondolinel upro kesdipe lakera butjatar, savo te jeke paldschumipeha le Romendar cajchnim sina.

Manuscha taj te briga pal i muschika

Vaschi identiteta jeka flogoskera grupnatar dschal, savi te duach i muschika sikadi ol, phenel i Hemetek. Oj mindig upre politischi keriptscha pro alav asdelahi. Afka oj te ando bersch 1989 uso keripe la erschti Roma organisacijatar Erbate use sina, taj paloda uso Romano Centro, kaj mindenfelitike mulatintschagi organisirintscha taj afka upro Roma upre sikatscha.

Ando jubilejumiskero bersch „25 bersch aunprindscharipe le Romendar ojs flogoskeri grupn“ phenel i muschikani visenschoftlerkija Hemetek, hot meg but te kerel hi.

O vakeripe la Ursula Hemetekaha i Katharina Janoska kertscha.

Andi arti sendung ando 24.9 dschal pedar i „Roma Bewegung“ telal o anav „Die Vielfalt gegen Vorurteile“. Aja tema hi uso mulatintschago ando 22.9.2018 le farajn KARIKA-istar.

Roma Abend „Amen phukavas | Wir erzählen“