Schero le Thara projektistar Buligović | Roma/Romnija tschore hi
On demand | Roma sam | 23.7.2018
I Usnija Buligović andi Serbija Vojvodina upro them ali. Dschi uso „Nato-Krieg“ andi aguni Jugoslavija, oj afka phukali abtajlung la socijalistischi rebublikatar, dschivlahi oj ande aja regijona mindenfeltike etnischi grupnenca. Angle deschuenja berscha oj andi Austrija ali.
www.volkshilfe.at
O projekto „Thara, Romani Zor!“ andar o europitiko socijalfonds andar o socijalministerijum potschim ol.
Jek „Team“, trin dschuvla
O „Team“ le Thara projektistar trin dschuvlendar hi. Pasche i Usnija Buligović kerel i Gordana Djordjević „Jobcoaching“. I Lydia Anstiss arbutschalinel ajgeni „worksops" la temaha „Roma-historija, kultura taj familijakeri/socijali strukturtscha“.
Del Roma, save andi Austrija tschore hi
I austritiki „Volkshilfe“, savi palo projekto „Thara, Romani Zor!“ terdschol, ando bersch 1947 kerdi uli. Oj gemajnucigi organisacija hi. Ojs socijali organisacija pomoschinel oj manuschenge, savenge na latsche dschal. Jek cil andai i „Volkshilfe“ hi o pal maripe le tschoripestar.
„Jek baro falato le Romendar andi Austrija ando tschoripe dschil“, phenel i Usnija Buligović. Oj ham te loschanel pe, kaj poar Roma/Romnija andar o foro Betsch o aunbitinipe lendar aun len taj afka lengero dschivipeskeri situacija feder ol. Ada sikal, hot dschal, te valako pe lenge ande bescharel, phenel li.
Te Roma taj Ronija del, saven boti hi, phenel li meg barikane use.