„Kalyi Jag“ schtarvar desch berscha cidel
On demand | Roma sam | 30.7.2018
Roma sam | 30.7.2018 | 20:50 orenge | Radijo Burgenland livestream
orf | yvonne erdost
1978 sina, kada o Gusztav Varga (adi ledschaschi le „Ritterkreuz"istar, o lek bareder dipe le Ungrikostar) poar muschikaschenca kesdintscha odola dschila, savenca ov ande pri familija upre bartschino, ando cile vilagi te cidel. Afka o keraschi Varga barikane phukal, hot on o erschti sina, save andi Romani tschib dschilavnahi. On sina ande Holand, ande i televisia BBC, le "Chicago Symphonic Orchestra"iha, but CDs ardim ule, sar but internacijonali patijariptscha, le europitike "Jugendparlament"istar, sar dschi uso "MTV“.
orf | yvonne erdost
Grupnakero keraschi Gusztav Varga taj i dschilaschkija Agnes Balogh
Harnon kada on pumara muschikaha Betschiste kesdinde line pumenge o Gusztav Varga taj i dschilaschkija Agnes Balogh cajt, kaj le schunaschenge la sendungatar Roma sam pedar o palgondolipe taj la cukunftake la bandatar te phukal.
orf | yvonne erdost
O Gusztav Varga taj i Ursula Hemetek
I Yvonne Strujic-Erdost le keraschiha la bandatar Kalyi Jag vakertscha. "Kalyi Jag prik beschardo‚ "Gottes Schwarzes Feuer‘“, butschol. Jagalo te i adivesakeri efta dschenengeri grupn hi. Use pumari barikani muschika Betschiste phukan on pedar o baro kamipe taj briga. I muschika taj i kultura le Gusztav Vargaiske igen barikano hi taj oj o drom usi inklusijona le sikadipeske ledschel. Pre sikadipeskrere projektenca pomoschinel ov terne Romenge, hot on upre pumari tradicija te diken, te kamel taj bajder te den.
I ungriki Romani banda Kalyi Jag cidija ando keripe jeka konferencatar „Was Minderheiten und Gender mit Musik zu tun haben“, upri universiteta la muschikake taj kunstake ando „Joseph Haydn-Saal“ Betschiste.
orf | yvonne erdost
Jek kurko dur upro „Ungleichheit“, khetanipeskero soralipeskero rejalijacijontscha taj marginalisirung ando keripe la forschungatar taj muschikatar taj khelipestar upre sikado ulo.
Duach i sendung vodinel tumen i Susanne Horvath.