Heinz Tichy baro pajtaschi le flogoskere grupnendar mulo

O keraschi taj pativjakero presidento la „Wiener Arbeitsgemeinschaft für Volksgruppenfragen –Volksgruppeninstitut (ARGE Volksgruppen)“ Heinz Tichy andi rat kurkeste, 24.06.2018, 70 berschenca mulo.

"O prindschardo „Verfassungsjurist“ but berscha ando bundakero birovtschago le flogoskere grupnengere phutschajipenca pe donde beschartscha. Ov le ar butschalinipeha le flogoskere grupnengere tschatschipenca taj le keripeha le flogoskere grupnengere bajrotenca pro pomoschago use delahi, phenel o Stefan Pauer, schero andar i „ARGE Volksgruppen“ ande pumari ar bitschajipeskero lil.

O Heinz Tichy desch berscha andi abtajlung le flogoskere grupnengere kojenge o schero sina. ande aja cajt ov butvar use o internacijonali beschiptscha use sina, sar i „Charta der Regional- oder Minderheitensprachen im Rahmen des Europarats“ taj i „Rahmenkonvention“ uso arakaripe nacijonali tschulipendar.

Le Heinz Tichyiske ando merc leskera barikana butjake o kulturakero dipe le „Kroatischen Zentrums – METRON“ – dim ulo. Leha o schov aunprindscharde flogoskere grupn andi Austrija jek barkane eksperto naschade. Amen Roma amaro vodschikano gondo leskere niposke das.