Roma o „Reitermacher“ andar Illmitz

Hans Kroiss andar Illmitz jek tschibtschakero visenschoftleri taj historikeri hi. Harnon i kenva „Zwischen den Lacken. Dorfgeschichten aus dem Herzen des Seewinkels“ pedar pri hajmat ari dija. Pasche o anekdotscha, historischi tel dschiviptscha taj tschibtschakere visenschoflichi ar ajiptscha te jek kapitl le Romenge vidmim hi.

On demand | Roma sam | 11.6.2018

O Hans Kroiss phukal, soske leske barikano sina, la flogoskera grupn ande leskero literarischi kamipe ande leskero hajmatiskero gav ari te asdel. O pisimaschi phukal te pedar o Roma ande pri kenva, save ande Illmitz dschi upre poar avre ladaschtscha sina. O Kroiss meg tikno tschau sina, kada leske o historiji phukade ule. Jek historija, savo ov ande pri kenva fejst likertscha, ando ar le 19. schelberschestar sina.

Die Roma vaj "Reitermacher“, sar o dschene odotar lenge phenahi, dschivnahi sar but avre, upri rik le khetanipestar taj vasch lengeri latschi buti taj o koji save biknenahi na tradnahi len odotar. Jek kontakto maschkar o gaveskere dschene taj Roma avrutnon le biknipestar na delahi. Ham te adaj schaj o Kroiss jeke arlipestar phukal.

Ojs tschibtschakero visenschoftleri baro interesi tut hi upri tschib le Romendar, savaha ov pe dur donde beschartscha taj linguistisch ar butschalintscha taj pedar schaj vakerel.

Valakada o Roma na buter Illmitzate ale, soske na buter ale, na prindschardo hi. Adi ande Seewinkel nisaj gondo la historijake le Romendar vaj palgondolipe upre lende del. I terni generacija na dschanel buter pedar o „Reitermacher“ ande Illmitz.