Gondolipeskeri tablina upro Lovara taj Sinti ande Bruckhaufen palgondolinel

O aguno „Ringelseeplatz“ na buter del, sar lo agun sina. But mindenfelitike pradipeskere khera meri „Franklinstraße“ kerdi uli, „Hallenbad, Vienna Business School Floridsdorf“ taj tschavengeri bar. Andi „Franklinstraße 24“ akan jek tablina upro dschivipe le Lovarendar taj Sintijendar taj upro ledschipe taj murdaripe le nacijonalsocijalistendar pal te gondolinel.

On demand | Roma sam | 18.6.2018

Gedenktafel Bruckhafen

Serdar Erdost

Franklinstraße 24 | Floridsdorf

Upro „Mühlschüttel“, jek than norditikon la uprutna phura Donauatar ando 21. becirk, ando 20. schelberschengero o Lovora taj Roma tel pumen mukle. On odoj biknipe grastenca kernahi. O than odoj upro „Ringelseeplatz“ dschi anglo 55 berscha jek talalinipeskero than le cile Romenge, Sintijenge cirkusakere dschenenge taj Romendar andar o Ungriko sina. Uproda than akan jek gondolipeskero tablina tel utschardi te ol. I banda Ketane Lovarengera muschikaha o tel utscharipe vodinde.

I gondolipeskeri tablina jek „WIENKL-Design“ le forostar Betsch hi taj o becirkiskero angloterdschaschi Georg Papai o tel utscharipe la gondolipeskera tablinatar angle lija.

Lovara in Floridsdorf

Archiv

Ando 10. feberi 2016 le Selenendar ando becirkiskero fatretinipe Floridsdorf jek lil la kulturake- taj anavengera komisijonake ande ando ulo. Bojd o cile partajtscha pumaro hango use dine, i FPÖ na, phenel o Peter Jordan, Seleno bcirkiskero rot.

O Willi Silvester Horvath, jek Lovarengero muschikaschi sikatscha, kaj o verdengere thana, schtali, haniktscha, taj o vori uso Bruckhaufen , Mühlschüttel, Floridusgasse vaj Freiligrathpark sina. Ov andi sendung pedar phukal, kaj o jomi le betschitike Lovarendar sina.

„Epistemologie der Ignoranz“

Heinrich Böll Stiftung

Isidora Randjelović

„Epistemologija la ignorancatar“

O gondolipeskero tablinkero tel utscharipe ando keripe le festivalostar „E Bistarde | Vergiss mein nicht“ le farajnistar Romano Svato organisirim taj kerdo ulo. I Isidora Randjelovićs jek vakeripe „Epistemologija la ignorancatar“ kertscha taj la historijaha le filmiha „Tiefland“ la Leni Riefenstahlatar donde pe beschartscha.

Hamze Bytyci

Promo

Hamze Bytyçi

„Gadsche rasismus“

O orginalakero mobilar andar o legenderi Hilton kher dija i kulise la interaktiva „Talk-Show"ake pedar i emancipacijonakero micinipe le Romendar taj Sintijendar. "Hilton 437“ donde pe bescharel le „gadsche rasismusiha“, savo la DELAINE LE BASiha o khelipe incinirintscha. Hamze Bytyçi ando bersch 1982 ando Kosovo upro them alo taj akan ando Berlin buti kerel taj odoj atschel.

Servus Szia Zdavo Del Tuha
Jek dugo film pedar ada barikano festivalo „E Bistarde | Vergiss mein nicht“ andi sendung Servus Szia Zdavo Del Tuha ando 12. augusto, 13:05 orenge, ando ORF2, Burgenland te dikel ovla.

1989 i familija andi Germanija al. Imar ojs ofto berschengero o Hamze Bytyçi boschitschon 1990 ando khangerengero asil ande Thübingen pro erschti gejipeskero probalinipe ojs aktivisto kerel, kada leskeri familija gejng o tel ispidipe kejmpfintscha. 2005 ov i schauschpilileriskeri ischkola kisetinel taj i organisacija Amaro Drom (Unser Weg) ando dschivipe vrischdschanel.

„E BISTARDE | Vergiss mein nicht“