„Auschwitz ist mein Mantel“ | Jek dschivipe gejng o pobisteripe

O artschijipe kipenca taj genipeha andar lakeri kenvi ande Bildein sina, jek patjaripe le verkendar la Ceija Stojkatar, savi dschi use lakero meripe ando jeneri 2013 gejng o pobisteripe le genocidistar upro Roma taj Sinti taj diskriminacija sorale pe ande bescharlahi.

On demand | Roma sam | 2.4.2018

I Ceija Stojka jek Ronmni sina, savi pe la terdschiveskera historijatar le holocaustistar le austritike Romendar andi literatura donde beschartscha. Lakera kenvaha, savi 1988 ari ali „Wir leben im Verborgenen. Erinnerungen einer Rom-Zigeunerin“ oj ojs erschti upre ada upre sikatscha, hot te o Roma le holocaustiske ando nacijonalsocijalismus opfertscha sina.

Nuna Stojka lakero keripe bajder kerel

I Nuna Stojka, lakeri bori, la Ceija Stojkatar phukal, taj soske lakera sasijake jek aunpaschlaripe sina taj soske adala barikana butjaha kesdintscha.

Sajt lakero mulipe lakeri bori i Nuna Stojka lakero keripe bajder kerel. I Ceija Stojka molintscha la lakeri familijakeri historija bajder te del taj gejng o pobisteripe te kejmpfinel. Akan ande aja cajt la Ceija Stojkakero verk igen barikano hi, phenel i Nuna Stojka.

„Auschwitz ist mein Mantel“

I Ceija Stojka na tschak pisinlahi oj te barikani molerkija sina. Ande lakeri kenva „Auschwitz ist mein Mantel“ oj pro terdschivipe andar o logertscha, kaj oj ande tschapim sina, kipenca upre butschalintscha. Harnon vidmintscha Paris la kinstlerkijake taj pisinaschkijake jek retrospektiva.

Akan i barikani Romni ande Bildein patjardi uli, pre artschijipeha, savo dschi ando 29.4 kher schaj roden. Prado ulo o artschijipe ando 1.4. jeke genipeha la Nuna Stojkaha, savi andar o kenvi la Ceija Stojkatr gentscha.

15.12.2017 | Literatur zur Stärkung der Rechte