Medijakero projekto „Romblog Future Work“

Kaj o ORF taj le socijalministerijum pomoschinel le projektoske „Romblog Future Work“ bitinel te ada bersch, akan o dujto bersch, jek workshopiskero redo medijakere butjaschenge 16 dschi 35 berschengere dschenenenge.

360° Medijakero Kurs | Basic

Ando ar le jeneristar kerde o inicijatortscha Gilda Horvath taj o Branislav Nikolic o erschti workshop ando nevo bersch, o 360° medija kurs | „Basic“ jeke kastingiha, kaj on pedar o tranda beverbertscha efta arodine.

On presentirinde idsch ando „ORF Funkhaus“ Betschiste o arajipe lengere schtar kurkengero siklipestrar taj te le dschenen schukar akarde andar o dujto workshop „360° Medija Kurs | Advanced“.

I tema „Zombies“

O Akif Turan jek lendar sina. Ando „Wien Heute Sitzungssaal“ le ORF-istar Funkhaus Betschiste presentirintscha ov le dschenenge andar o kurs pro videjo usi tema „Zombies“

O Esref Balkan adi le Romblog-iha workshop „Advanced“ kesdintscha. Khetan le Adrian Gasperiha, Akif Turan taj schtar avre dschenendar andar o kurs dschi ando ar le mercistar ando audijo taj videjojakero koja butschalim ovla.

Na tschak le Romenge

Profesijoneli beverbinipe, presentacija taj o lipe socijal medijendar taj „Blogs“ jek falato le workshopistar hi. Ande ada bersch na tschak dschene andar i flogoskeri grupn le Romendar use hi, phenel i inicijatorkija Gilda Nancy Horvath.