Gondolipeskero drom Erba | 80 berscha aunphandlipe

Kekaj schil sina, lejcti subota but manuscha uso khetano gondolipe upro opfertscha le nacijonalsocijalismusistar Erbate reste pumen. On jek gondolipeskero drom gele, savo i historija le mindenfelitike opferengere grupnendar - dschidovtscha, Roma, opfertscha la NS medicinatar taj politischi tradime - andi forma le gondolipeskere tablinenca te phukal probalinel.

I Ursula Mindler-Steiner usar o kesdipe jeke gondostar dschi uso gondolipeskero drom phukal, savo le cilenge te ol.

Angle sikajipeskero foro Erba

Erba andi lejcti cajt mindig jek angle sikajipeskero than ando Burgenland ande lija, te vasch i tema gondolipe taj palgondolipe gelo. Upre jek rik, ada vasch i foroskeri politik hi, sar o biro Georg Rosner te phukal dschanel, ham te vasch o latscho khetan butschalinipe le mindenfelitike Romengere farajnenca, save Erbate del, afka o Emmerich Gärtner-Horvath andar o farajn Roma-Service.

O karikakero gejipe maschkar o schov schtacijontscha le gondolipeskere dromestar, le dschenen usi aguni Erbakeri sinagoga ledschija, use oda than, kaj adi i muschikakeri ischkola terdschol.

Gajst la phura cajtatar esbe te lel hi

O Gerhard Baumgartner ande pro anglevakeripe pedar i cajt maschkar o erschti themeskero haburi taj o khetan phandlipe la Austrijatar usi Naci-Germanija phentscha, hot o gajst la phura cajtatar, ande but koji, papal esbe te lel hi.

I muschika o Paul Gulda upro klavir taj o Ferry Janoska upro bandonejon kerde.