Europitiko rot patijarel o centro le Romane tschatschipenge ande Budapest
O centro sa kerel, kaj le lek bareder tschulipeske andi Europa feder te dschal, phenel o generalsekretari la thansekera organisacijonatar, Thorbjörn Jagland uso prik dipe le patjaripestaer ande Straßburg. I organisacija pe but soralipeha la flogoskera grupnake le Romenge ande bescharel.
Council of Europe
Raoul Wallenberg-patijaripe
O palo Raoul Wallenberg, o schveditiko diplomato taj reteri esertscha ungrike dschidovtschendar, limo patijaripe sajt 2012 dschenenge taj organisacijenge prik dim ol, save pumen humaniteri akcijonenge ande bescharen. O patijaripeskero prik dipe mindig ando 17. jeneri hi - oda di, kaj o Wallenberg 1945 ande Budapest sovjetischi nimcendar fejst lim ulo. Paloda nischta lestar buter te schunel sina.
Lengere butschaschtscha - but lendar Roma hi - sikade, hot o kejmpinipe gejng i diskriminacija taj rasismus barikane schaj kerdo ol, phenel o Jagland use. Ov le direktoriske le centrumistar Ðorđe Jovanović o 10.000 Euro prik dija.
I 1996 kerdi organisacija pomoschinel but Romenge te le aun sesim ule gejng diskriminacija vaj rasistischi motivirti schtraufinipeskere keriptscha. On te but angle periptscha anglo europitiko kris le manuschengere tschatschipenge ande Straßburg ande - sar gejng argranicalinipe le Romane tschavendar ande o „Sonderschulen“.