Roma Ball 2018 Tenu Erbate ando cajchn le jubilejendar

O Roma Ball 2018, organisrim le farajn KARIKA-star, terdschino telal o motto „25 berscha aunprindscharipe ojs flogoskeri grupn“. Te i banda Romano Rath pro 25. jubilejum mulatinel. O Julius Horvath sajt 45. berscha pre fotoaparatiha manuschen, esbe liptscha taj mulatintschagi upre lija taj le pradipeske sikal.

On demand | Roma sam | 15.1.2018

O Ball ando kulturakero kher „ungarischer Hof“ Tenuerbate igen barikana sina. Te but politikertscha o mulatintschago kher rodine, telende o biro Erbatar Georg Rosner, thaneskero rot Wolfgang Spitzmüller, i nevi birovkija Tenu Erbatar Klara Steinberger-Liszt, o nevo gemajndakero rot Erbatar Manuela Horvath taj o gemajndakero rot andar i Erba Alexander Baliko.

I muschika use ada barikano mulatintschago kertscha i banda Romano Rath taj o Chubby Presley.

I Romani Kiralkija 2018 i Jennifer Papai uli, i 18-berschengeri andar i Erba i flogoskeri grupn jek bersch fartretinel.

i reportasch la sendungake Roma sam o Adi Gussak kertscha.