Schukar kirati use amende | Matthias Platzer

Ando 9.11. akarel i flogoskeri utschi ischkola le burgenlanditike Romendar ando Tenu Erbakero „Cafe Hopala“,odoj phukal o Roma selsorgeri Mathias Platzer pedar pri barikani buti.

Schukar kirati use amende | le Matthias Platzeriha

9.11. 2017 | 19.00 orenge
7501 Tenu Erba, Cafe Hopala, Tenu Erba 164

O nevo seelsorgeri la flogoskera grupnatar le Romendar ando Burgenland butschol Matthias A. Platzer. O aguno Romengero seelsorgeri Fabian Mmagu Betschiste gelo, taj o raschaj andar Wolfau o Matthias Platzer leskeri buti akan prik lija.

O Matthias A. Platzer ando decemberi 2011 le burgenlanditike bare raschajistar Ägidius J. Zsifkovics ando Tikne Martonakero dom uso raschaj sentelim ulo.

O Platzer andar Neunkirchen Telutna Austrijatar al. Ov jek meschteriskero schtudijum la theologijake taj historjake kertscha. Pal but berschengeri buti ojs religijonakero meschteri kesdintscha ov 2008 le arsiklipeha ando raschajengero seminar.

1992 andi bare raschajengeri konferenca jek fartreteri le upre dipeha Roma-Pastoral upre dim ulo.O erschti „Ober-Roma-Seelsorgeri“ o Werner Klawatsch 1995 sina taj ando glajchi bersch o referat le ethnische grupnenge la diöcesejatar Tikni Martona kerdo ulo.

Le Romengeri seelsorgeriskeri buti hi, i identiteta le ethnischi tschulipestar te soralel taj te motivirinel, o alav te asdel, kaj on schaj peske pumenge söber te vakeren.