Mulatintschago le Romendar & pajtaschendar

I intencijona le scherostar Christian Klippl sina, jek mulatintschago schukar muschikaha nisaj mujsinipeha te kerel. Uso „Fest der Roma & Freunde“ le kulturakere farajnistar le austritike Romendar ham te jek politischi botschoft dim ulo.

On demand | Roma sam | 25.9.2017

Harnon anglo völinipetscha ando 15. oktoberi te uscharel sina, hot te politischi vakeriptscha ando „Greenhouse“ le „Blumengärten Hirschstetten“ Betschiste del.

O mangipe le flogoskere grupnendar hi, o tschulipengero tschatschipe Betschiste. Te o Christian Klippl, anglebeschto le Kulturakere fartajnistar le austritike Romendar uso multintschago „Fest der Roma & Freunde“ ando „Greenhouse“ ande Hirschstetten Betschiste, ada mangel.

I Journalistkija Elisabeth Vitouch ada mulatintschago, savo palo plane sina moderirintscha. But politikerttscha use sina, sar o Michael Ludwig, Jürgen Czernohorszky taj i SPÖ schtotiskeri sekreterkoja Muna Duzdar.

Duzdar ande pro vakeripe upri bibastali situacija le Romendar andi EU upre sikatscha. Oj mangel buteder ande bescharipe le schtotendar.

Use ada barikano mmulatintscha kertscha i Muschika i „Gypsy-Band“ tradicijoneli Romana ungrika muschikaha, Balkan Combo taj o Diknu Schneeberger Trio pre barikane Sinti-Jazziha. O ar le muschikane mulatintschagostar kertscha o DJ Mario.