„David Samer Trio“ | Jazz & tradicijoneli Roma- taj Sinti dschila

O David Samer barikano muschikaschi hi, vaschoda ov Betschistar papal ando Burgenland pal gelo. Ada bersch o muschikaschi jek ajgeni formacija o „David Samer Trio“, khetan la Indira Gussakaha taj Rainer Pauliha kertscha.

On demand | Roma sam | 2.102.2017

O David Samer Betschiste upre bartschino, ov butvar use pri baba ando Burgenland ladlahi. Angle 12 berscha akor o mmuschikaschi papal pal gelo ando Burgenland - odotar aun akan ov Erbate dschil. Leskera familija baro ande fojnipe sina, kaj lo akan afka hi, na tschak ando muschikano gondo.

Sar imar leskero dad te o David Samer gitaristo hi. Pro erschti terdschavipe andi barikani Samer band schaj kertscha. 2012 o Hans Samer mulo - leskero tschau akan o erbe bajder kerel taj afka ande leskere dadeskere botschkori ande uschtatscha.

Harnon o Samer te o schero la Romengera flogoskera utscha ischkolatar ando Burgenland hi. Ande aja funkcijona kamla ov gejng i diskriminacija gejng leskeri flogoskeri grupn angle te dschal.

Pasche jazz- taj themeskeri muschika, cidel o trijo te tradicijoneli Roma- taj Sinti dschila, sar komposicijontscha le Hans Sameristar. Andi cukunft o arbulharipe la bandatar sar jek album planim hi.