Mulatintschago le kulturendar Erbate

„Aja inicijativa o lejcti bersch khetan la KUGA-ha Grosswarasdorf kesdim uli. Ada bersch kerde o mulatintschago i gemajndi Erba, VHS le buergenlanditike Romendar taj o Reinhard Kracher. Afka o khetanipe kerdo taj presentirim te ol“, phenel o Horst Horvath butjaschi andar i VHS le burgenlanditike Romendar.

On demand | Roma sam | 7.8.2017

David Samer Trio

O lejcti kurko sina o erschti cidipe le David Samer Triojistar. Cidim ule Romane dschila sar te jazz. Te uso ladipe le Romendar Cejiste ando 13.8.2017 o Samer Trio i muschika use kerla.

I Indira Gussak, i terni Romni taj dschilaschkija andar o David Samer Trio, oj i ischkola andi BAKIP Erbate kherodel, kamla meresch o arsiklipe use jek socijalakeri butjaschkija te kerel. O dschilajipe lake akan meg use jek hobby atschel.

Mindenfelitiko le flogoskere grupnendar taj konfesijonendar

"Schukar hi, kaj o „Streetfood Festival" le mulatintschagoha le kuturendar schaj khetan phandlo ulo taj afka khetan schaj mulatim ol. Erba jek foro le mindenfelitikostar le mindenfelitike flogoskere grupnendar taj konfesijonendar hi. O kherodaschtscha asaj mulatintschagi meresch aun len, ada dikes uso but nipo save ale, taj use hi“, phenel o biro Erbatar Georg Rosner.

2. august Romengero gondolipeskero mulatintschago upro betschitiko „Ceija-Stojka-Platz“

Andi Europa valami 500.000 Roma taj Sinti opfertscha le holocaustistar ule. Ando 15. april 2015 te o europitiko parlamento jek arkeripe aun lija, kaj o parlamento o flogoskero murdaripe le Romendar taj Sintijendar duach o nacijonalsocijalistscha oficileli aunprindschardscha, sar te o 2. august ojs europitiko holocaustiskero gondolipeskero di le Romenge taj Sintijenge.

Kerdo le ternendar andar i flogoskeri grupn sina o motto „Dikh He Na Bister! - Dik taj na pobister!“. O schero le Romano Centrojistar Rabie Perić, i Miriam Karoly taj i schtotiskeri sekreterkija Muna Duzdar odola sina, save upro bibastalipe pal te gondolinel mukle taj pumare gondi ulade.

„O flogoskere grupn aundefinipe den pedar o tejneri prik te dikel, amenge i historija te phukal taj te perspektivtscha te del“, phenel i schtotiskeri sekreterkija Duzdar.

O gondolipeskero mulatintschago le Romano Centrojistar kerdo ulo. Partnertscha
romblog.at, Roma Genocide Remembrance Initiative, edition exil taj i „Pfarre Altlerchenfeld“ sina.

Link

Roma Volkshochschule Burgenland
Stadtgemeinde Oberwart
KUGA Grosswarasdorf