Servus | Szia | Zdravo | Del tuha | 9. April | ORF 2 Burgenland

Ando aktujeli ardipe o diveseskero khetanbeschipe „Romnja - Selbstbilder taj Lebensrealitäten“ uso internacijonali di le Romendar taj Sintijendar, o arvertinipe le online phutschajipestar usi Roma strategija 2020 taj o nevo angle beschto le flogoskere grupnengere bajrotistar o temtscha hi.

On demand | SSZD | 9. April 2017

I moderatorkija Katharina Janoska andar i thaneskeri galerija Burgenland pe meldinel. O nevo artschijipe, savo mindig atschol „Künstler/innen sehen das Burgenland“ hi jek feschtimo drom duach o cile becirktscha pre schukar kojendar andar o Neusiedl dschi Jennersdorf.

Nevo Roma seelsorgeri

Le burgenlanditike Romen jek nevo Roma seelsorgeri hi. O baro raschaj Ägidius J. Zsifkovics le Mathias Platzeriske, le raschajiske andar Wolfau aja buti upre dija.

Khelipeskero workshop | Amen Roma Sam

I Liz King, aguni baletakero schero andar i „Wiener Volksoper“, akan ando Burgenland butschalinel taj dschil . „Amen Roma Sam | We are the Gypsies“ jek khelipeskero projekto hi, savi i barikani korejografkija Liz King ando keripe le gondolipestar le schtar Romenge, save ando 4.2.1995 uso atentat Erbate murdarde ule, kertscha.

Stefan Horvath | „So gewaltig ist nichts wie die Angst“

O bombakero atentat Erbate, kaj leske leskero tschau lim ulo, le Stefan Horvathskero dschivipe irintscha. Andar jek mirno manusch jek godschakero vakeraschi taj pisimaschi ulo. „Saj dur o mule manca vakeren, me mindig mro alav asda“ phenel o Stefan Horvath, savo ando bersch 2016 o „Theodor-Kramer-Preis“ le pisinipeske uschtidija. Argondolime historijenca del o Stefan Horvath, kaj duj dschene leskera familijatar o logertscha prik dschivde, jek alav, ov pedar pri tschavengeri cajt phukal taj o upre bartschojipe andi Roma sidlung Erbate taj phutschel pal entviklinipe taj iriniptscha, savo o bibastalo atentat 1995 antscha, taj i adiveseskeri situacija la flogoskera grupnatar.

Internacijonali Romengero di le Romendar taj Sintijendar | „Romnja - Selbstbilder taj Lebensrealitäten“

O erschti internacijonali di o Roma kongres, kaj o fartretertscha la flogoskera grupnatar le Romendar jek historischi resolucijona buteder tschatschipenge taj gejng i diskriminacija arkerde, ando 8. april 1971 ande London tel likerdo ulo. Odotar aun oda di ojs internacijonali Romengero di mindig tel likerdo ol. Te andi Austrija but mulatintschagi dija.

O diveskero khetanbeschipe „Romnja - Selbstbilder taj Lebensrealitäten“ vascho 8. apri ando „Offenen Haus Oberwart“ kerdo ulo. Barikane Romnja phukade pedar pumaro dschivipe taj problemtscha, save on ojs dschene jeke tschulipestar taj ojs dschuvli iste terdschin.

„Sichtbarkeit-Romnja Mitten in Wien“

Angle ada diveseskero khetanbeschipe, akan ham uso internacijonali dschuvlengero di, o farajn Vivaro - Viva Romane dschuvla le kiposkere artschijipeha "Sichtbarkeit-Romnja Mitten in Wien“ jek cajchn upri butvarakeri diskriminacija bescharde. Maschkar o novemberi 2016 taj feberi 2017 i fotografkija Olaya-Peickner 20 Romnjen fotografirintscha. O kipi ando hotel Alstadt Vienna le pradipeske presentirim ulo.

Arvertinipe la Roma online dijalogplatformatar

O austritiko nacijonalakero Romengero konaktakero than ando bundakero birovtschago ando bersch 2012 ando keripe la nacijonali strategijatar usi inklusijona le Romendar jek dijalogakeri platforma kertscha. Adaj mindig khetan beschipe le birovtschagendar taj Romendar del. Ando 28. septemberi dschi 28. novemberi 2016 schaj online i buti la dijalogplatformatar taj i Roma strategija 2020 bevertim ulo. I Susanne Pfanner andar o bundakero birovtschago taj i schtotiskeri sekreterkija Muna Duzdar akan uso arvertinipe vakeren.

Nevo anglebeschto le flogoskere grupnengere bajrotistar le Romendar

Ando kesdipe le mercistar ov o angle beschipe le flogoskere grupnengere bajrotistar le Romendar prik lija. Ande aja funkcijona le Rudolf Sarköziske palal al, savo angle jek bersch mulo. O Emmerich Gärtner-Horvtah nan nevo andi flogoskeri grupnengeri politik. O sud bugenlanditiko andar i Tikni Poslina andar o kesdipe aun ando Romengero bajrot hi. Le schero andar o farajn Roma-Service ando neve farajniskero kher Erbate kherodijam .

Servus | Szia | Zdravo | Del tuha | 12. feberi | ORF2