Servus | Szia | Zdravo | Del tuha | 12. juni 2016

I moderatorkija Katharina Janoska akarel tumen adi andar o projektiskero kher la thaneskera galerijatar Burgenland. Akan odoj naschel o barikano artschijipe „Romane Thana. Thana le Romendar taj Sintijendar.“

On demand | Servus | Szia | Zdravo | Del tuha | 12. Juni 2016

I intencijona le artschijipestar hi o pal dschumipe le mindenfelitike sterijo tipendar. But le Romendar - te o burgenlanditike Roma, save ando 18. schelberschengero la Maria Theresiatar taj lakere tschauistar Joseph II. tel bescharde ule - nan ladipeskero flogo. Te neve historiji andar o dikipe le dschenendar la flogoskera grupnatar phukade on.

„I bari briga andar Jasenovac“

Ando literaturakero kher Salzburgate ando april sina o artschijipe le anaveha „I bari briga andar Jasenovac“ pedar o modscharno logeri ando Horvacko. Use sina te i burgenlanditiki audijo visijoneli cajt ceugenakeri dokumentacija "Mri Historija - telal kipengere sikajiptscha „Upro jomi odolestar so imar sina“.

SozialMarie dipe le „Brno Bronx“

I Brünner modejakero bota Gypsy MaMa barikane o tschechitiko foro ande lel. O socijalakero projekto ando bersch 2015 kesdintscha taj Betschiste o europitiko dipe la inovacijake, i „SozialMarie“ uschtidija.

„Janoska Style“ | Nevi CD le Janoska Ensemblesistar

Ando april terdschartscha o Janoska Ensemble pumari erschti CD ando mozartiskero koncertiskere kher angle. O muschikane kritikertscha phenen, hot o „Janoska Style“ upre dschumim hi. Harne anglo mulatintschago o SSZD le trin Janoska phralenca taj le schogoriha Julius Darvas pedar lengeri muschika taj muschikakero dschivipe vakertscha.

Gondolipeskero mulatintschago Barankapark

Sina o rito, na dur la gulipeskera fabrikatar Heller bejg. Adaj terdschivtscha le Harri Stojkasiskero dad schukar tschavengere divesa, dschi use oda di, kada i gestapo le Romen taj Sinten ando logeri ledschija. Sajt 2009 but muschikaha taj vodschikane alavenca adaj gondolim ol.

Lobdakero khelipe khetan phandel | Khelipeskero khetanipe Pinkatal

Europa sajt duj divesa ando lobdakero fiberi hi. O lobdakero khelipe ando them lek merescheder kerdo ol, na tschak angli televisia. Ov le manuschen micinel taj upro lobdakero than len phandel. Odoj na phutschlo ol katar sal, sar tschaj vaj tschau vaj katar ajs. Ada sa angle khelel o sudburgenlanditiko lobdakero khetanipe Pinkatal.

Gondolipe le Romenge taj Sintijenge ande Salzburg

Valami 300 Roma taj Sinti ando Salzburg Maxglan le nacijonalsocijalistendar ledschim taj murdarde ule. O Kulturakero farajn le austritike Romendar taj i familjia Martl/Sevik taj o „Friedensbüro Salzburg“ organisirinen sako bersch i gondolipeskero ora le Romenge taj Sintijenge. O gondolipe anglo gondolipeskero than tel likerdo ol, savo o foro Salzburg 1985 upro Ignaz Rieder than te kerel mukla. O kinstleri o Zoltan Pap sina.

Le hristian Klippliske, ov akan o than ande lija le Rudolf Sarközistar, savo ada bersch mulo, o erschti keripe ando pradipe ojs schero le Kulturakere farajnistar.

Palal ajaschi le Rudolf Sarközistar

Hetvin sina, o 11. april, kada o Christian Klippl ande pri nevi funkcijona andi „Säulenhalle“ le parlamentistar gelo. Ando „Huhes Haus“ imar tradicija hi o internacijonali di le Romendar tel te likerel. Ada bersch le Rudolf Sarköziske, leskera barikana politischi butjake gondolim ulo, ov amendar ando 12. merc gelo.

Servus | Szia | Zdravo | Del tuha | 14.2.2016 | ORF2 Burgenland +++