Roma andar Prag dschan

Ando lejcti desch berscha 50 procentscha le Romendar andar Prag te gejanahi. Pal jek phukajipe la divesakera cajtungatar „Mladá fronta Dnes“ (MfD) o gendo le Romendar andar Prag ando lejcti berscha igen sorale pal gelo. Akan valami 15.000 Roma ando baro foro dschin. 2006 dujvar atschi Roma odoj atschnahi.

Phendo ol, hot on vascho utsche mitscha taj kaj tschuli buti hi odotar bejg gele, ham te vascho „butschalinipe le tschoripeha“. Igen sorale ada te dikel hi ande Žižkov, Libeň vaj Vršovice.

I diveskeri cajtung „MfD“ phenel, hot ande Prag igen tschuli buti del taj te i industrijeli produktcija ando foro pal gelo. I buti upri bauninipeskeri koja le ukrajinerendar kerdo ol. But Romengere familiji ham te upre khereskere schpekulacijontscha ande pele, savo lenge tschule lojenca lengero „dekret“ le foroskere kherenge tel kindo ulo taj le familjige lasne khera avrutnon Pragistar aun bitim ulo.