Roma Ball 2019 | Bara tradicijaha
On demand | Roma sam | 28.1.2019
Imar but berscha o Roma Ball ando „Ungarischen Hof“ mojakero tel likerdo ol. Sajt 2017 o Roma Ball le farajnistar KARIKA andar i Erba organisirim ol, kaj o Paul Horvath o schero le farajnistar hi. Ada bersch i banda andar i Slovenija Skupina Del Tuha taj o „Trio Zimmer Kuchl Kabinett“ le kherodaschenge i muschika upro Roma Ball Tenu Erbate kerde.
Emmerich Gärtner-Horvath
Emmerich Gärtner-Horvath
O Emmerich Gärtner-Horvath taj o Horst Horvath andar o kesdipe le Roma Ballistar, kada lo 1990 kerdo ulo, use sina. O erschti farajn , savo le kertscha taj telikertscha o farajn Roma Erba sina. Ada o kesdipe sina le rodipestar la identitetatar taj kulturatar.
Emmerich Gärtner-Horvath
Uso kesdipe na loke sina ada mulatintschago te etablirinel, ham akan O Rom Ball jek interkultureli talalinipe ulo, kaj Roma taj gadsche pumen resen taj arparun. Te o biro Erbatar Georg Rosner mersch upro Roma Ball Tenu Erbate hi.
Ando fatretinipe la burgenlanditika thaneskera regirungatar o thaneskero rot Christian Drobits la SPÖ-atar odoj sina.
Te le thaneskero rotiske Wolfgang Spitzmüller le selenendar igen barikano o Roma Ball hi.
Emmerich Gärtner-Horvath
O utschipe le Roma Ballistar sina, o arodipe la Romana kiralkijatar, savi tradicijoneli epaschi i rat kerdo ol. La Romana kiralkijake ando lejcti bersch, Jennifer Papai, o uschtidipe la koronatar na pobisterdo ovla - oj imar ojs tikni kamlahi Romani kiralkija te ol - 2018 o kivanipe lake dim ulo.
Emmerich Gärtner-Horvath
Epasch i rat akor asaj dur sina, i Romani tschasarkija 2019 la Elina Aschaberake andar Wiener Neustadt i korona upre beschardi uli. I 16- berschengeri ischkolaschkija asaj bastali sina, kaj o alava lake falinde.