ROTA Romengero-muschikakero festivalo 2019 ando Betschitiko teateri Akzent
On demand | Roma sam | 1.4.2019
O keraschi Herbert Reithmayr la Volkshilfejatar phenel, vasch soste uso projekto ROTA sikadipeskero- taj pomoschagoskero fonds dschal taj saj gondo uso Romengero-muschikakero festivalo vodintscha. Upri erschti rik usar o kesdipe aun, o flogoskero khetan phandlipeskero elemento terdscholahi.
Volkshilfe
Prijoriteta usi organisacija le mulatintschagostar te la kultura taj la muschika le Romendar sina, savi mindenfelitike and fojinipendar pregim hi, ham te mindig pro gondo la tradicijake taj le telschtaminipeske bulharel. I organisatorkija Usnija Buligović dschanel vasch o barikanipe la kultureli diversitetatar, kaj o tradiciji le Romendar upre likerde te on. Kultura ham lenge nisaj schtatischi koja hi, oj mindig ando irininpe hi. Ada te ando lineup le kiratiske papal sikal pe. Telal o kinsterltscha/kinstlerkiji sina o Branko Jovanović Bako, o Moša Šišić, o Erdzan Paunović taj i Nancy Black.
www.volkshilfe.at
I Usnija Buligović usar o butjakero foroskero politischi projekto le Romenge taj Sintijenge „THARA ROMANI ZOR!“ la Volkshilfejatar upro dikipe upro Internacijonali Romengero Di ando 8to april te jek pal dikipe upro lejcti berscha kerel. Positivi angle te asdel hi o gondo le telschaminipeske, taj i sor, savi pe maschkar i Romengeri-flogoskeri grupn, bulhartscha. La cukunftake kivaninel peske, hot la flogoskera grupnatar buterder politischi keripe del, mint andi politik o lek barikaneder koji jek irinipeske taj jeke feder keripeske la cukunftatar paschlon, phenel i Buligović.
O bundakero schero la Volkshilfejatar Erich Fenninger ande pro vakeripe upro barikanipe le khetan likeripestar taj upro sako rikakero pomoschago sikal. Andi adiveseskeri cajt, kaj politischi sistemtscha mindig buteder upre jek politik le donde tradipestar bescharen, ada akan igen barikano hi. O Roma imar dur pal dschuminde ule taj duach projekti sar ada, cajchn gejng i diskriminacija bescharde on.
APA / Herbert P. Oczeret
I Katharina Janoska uso ROTA Romengero-muschikakero festivalo 2019 ando Betschitiko Akzent teateri sina.
Ando 6to april, suboton, jek talalinipe uso Internacijonali Romengero Di le anaveha „strategiji gejng o tschibtschakero naschajipe“ del, 14:00 dschi 18:00 orenge, ando Pradimo Kher Erba“. Kiratiske akor o film „Amen sam so amen sam - Wir sind, wer wir sind“ sikado ol. O koncerto le Ferry Janoskaha, le Diknu Schneebergeriha taj la bandaha Romano Rath o artschijipe „i politik le Romane-teschtostar“ le Déri Miklósistar ande phandla. Taj te i Romengeri kojnha na falinel.
Ando 8to april, erschtivar o farajn Voice of Diversity jek mulatintschago ando baro sendinipeskero kher le ORFiskere RadijoKultur kherestar Berschiste, organisinel. Adaj i situacija le Romendar dauch jek internacijonali podijumakeri beschti karika aun dikli taj diskutrim te ol, ham te i Romengeri kultura andi forma jeke koncertistar presentirim taj mualtim te ol.
Upro podijum beschen o Romani Rose – Centrali rot le Nimtschke Sintijendar taj Romendar, i Ursula Hemetek – instituto le flogoskere muschikakere forschinipeske taj la etnomusikologijake Betschi, o Robert Gabris – kinstleri, i Mirjam Karoly – dujto anglebeschto le austritike bajrotistar le Romendar.