„Roma-Literaturpreis“ la Gitta Martlake

O Austritiko PEN o „Roma-Literaturpreis“ akan o trito var fadel. O adaberscheskero dipe la Rosa Gitta Martlake dschal. Jek tschaj andar jek Sinti familija oj ando bersch 1946 ando Linz upro them ali. Lakeri daj taj lakero dad o logertscha Ravensbrück taj Sachenhausen prik dschivde.

On demand | Roma sam | 18.3.2019

Gitta Martl und Nicole Sevik
KVÖR

O andetschapinipe ando logertscha o vodschikano taj sastipe la dajatar taj dadestar mindig esbe te lel sina. Andi kenva "Uns hat es nicht geben sollen“ phukan trin generaciji Sinti dschuvlendar, i dipeskeri ledschaschkija Gitta Martl, lakeri daj Rosa Winter, taj lakeri tschaj Nicole Sevik. Ada sina ando bersch 2004.

O Austritiko PEN fadel o dipe kaj o vertiskero schecinipe jek falato europitika kulturatar ardschumim te ol taj kaj fatretertscha le Romendar taj Sintijendar pumari kultura, pumaro dschivipe taj pumari tschib upre te likeren, phendo ol ando presejakero ardijipe le PEN clubistar.

I Gitta Martl phukal upro pedar oftovar desch riktdscha pedar pro ileto taj pedar o entviklinipe le khetanipestar andi dujti republika Austrija.

I Sintiza Rosa Winter, savi o logertscha prik dschivtscha, ando bersch 1923 andi Uprutni Austrija ojs Kerndlbacher boladi uli. Ando bersch 1991, erscht 68 berscha pal lakero di kada upro them ali, uschtidija oj erscht i austritiki schtotsbürgerschoft.

Ando decemberi 2004 uschtidija lakleri daj Rosa Winter o „Goldene Verdienstzeichen“ le thanestar Uprutni Austrija. Pal jek bersch oj andi 81 bersch muli.

Roma sam | 18.3.2019 | 20:50 orenge Radijo Burgenland | livestream

16 berscha dur sina o kejmpfinipe la tschajatar Gitta Martl, dschi lakera dajake Rosa Winter i austritiki schtotbürgerschoft use prindschardo ulo. Akor erscht o loj uschtidija, kaj li ande logeri ande tschapim sina. O kejmpfinipe vascho schtotsbürgerschoft te o keripe sina le farajnistar „Ketani“ le Romenge taj Sinijenge andi Uprutni Austrija. I Rosa Gitta Martl keraschkija sina taj duge berscha o schero le farajnistar Ketani le Sintijenge taj Romenge ando Linz.

Rosa Gitta Martl
Land ÖO

Lakera butjake i Rosa Gitta Martl ando 21. octoberi 2013 le presidentostar Heinz Fischer, fartretim duach o thaneskero schero Josef Pühringer taj thaneskero dujto schero Josef Ackerl, o „Goldene Verdienstzeichen“ la republikatar Austrija ando „Landhaus“ ande Linz prik dim ulo.

Lakere andebeschipeske la flogoskera grupnake le Romendar taj Sintijendar uschtidija oj o „Elfriede-Grünberg-Preis“, o „Marianne-von-Willemer-Preis“, o „Demokratiepreis“ le „Margaretha-Lupac-Stiftung“ atar sar 2013 o „goldene Verdienstzeichen" la republikatar Austrija“.

Ando 10. april 2019 lakeri nevi kenva le anaveha „Bleib stark“ ari al. Ar dim le andi „edition pen“ ando „Löcker Verlag“ Betsch. Ando keripe la„Preisverleihung"atar ando 10. april, 11:00 orenge, ando "Presseclub Concordia“ Betschiste presentirim li ovla.