Barikani muschikaschkija Věra Bílá muli

I tschechitiki barikani muschikaschkija Věra Bílá muli. Oj ande Pilsen (Plzen) muli. I Bílá, andi Tschechija ojs kiralkija le „Gipsy-Pop"istar mulatim uli, oj tschak 64 berscha phurani uli. La aguna bandaha Kale i kinstlerkija te internacijonali barikanipe schaj mulatintscha.

Věra Bílá
Pravda
I dschilaschkija Věra Bílá ojs „Ella Fitzgerald“ la Romana muschikatar prindschardi sina.

Oj uso „Montreux Jazz Festival“ use sina, anglo aguno ameikanitiko presidento Bill Clinton dschilatscha, kaj i Romani tschib schaj upre likerel, phentscha jefkar i Věra Bílá. Oj ando 22. maj 1954 ando vestböhmischi Rokycany ande jek prindschardi muschikani dinastija, i familija Gina, upro them ali. Imar ojs tikni tschaj upro mindenfelitike mulatintschagi dschilavlahi. Ar ali li ando bersch 1995 pra erschti CD-aha „Rom pop“, kaj paloda o „Kale kalore“ taj „Rovava“ palal ale. Lakeri barikani muschika le cile dschenen vodschikan aun astartscha.