O angleperipe Karl Horvath

I lejcti hetvin ando „Dokumentationsarchiv des österreichischen Widerstandes“ i kenvakeri presentacija „Der Fall Karl Horvath. Ein Loipersdorfer Zigeuner vor dem Linzer Volksgericht“ le Wolfgang Freitagistar presentirim ulo. Le journalistiske, saveske aja tema but berscha na smirom delahhi, sina jek aunpaschlaripe, i historija le Karl Horvathistar te phukal.

On demand | Roma sam | 11.3.2019

O Horvath, savo o logeri prik dschivtscha, harne anglo ar le haburistar panasi tschito ulo, jek „Kapo“ ando logeri Mauthausen/Gusen te ujahi. o kapos le nacijonalsocijalistendar ande mindenfelitike logertscha mujsim ule, smiromiske te sorginel - karsar soha. Butvar le schtrofinipeha sorale angle dschanahi, kaj schaj on afka prik dschivnahi. O Karl Horvath anglo kris pelo ojs haburiskero fabrejcheri panasi leske tschito ulo taj ande tschapim. Soske ada afka alo, phukal tumenge o pisinaschi ando vakeripe leha.

Tschatschipe naschtig ar laklo ulo

O proceso pal jek palaldikipe duach o Wolfgang Freitag nisaj feleriha tel naschlo. Te palo vitse tschijipe le dschidovdschendar, save o holocaust prik dschivde o tschatschipe phukado ulo, naschtig dschi adi ar laklo ulo. O Karl Horvath ham phentscha, hot ov nana oda, oda iste avro sina taj dschi ando bersch 1952 leske pekamlo dschi papal leskeri koja upre lim uli taj ar lo muklo ulo.

Dschene andar i Polnija leske ar phende

Andi kenvi „Der Fall Karl Horvath“ probalinel o pisinaschi o esbelipe la aguna situacijatar, savi ando vilago sina, ando pisinipe te phukal. But naschikeraschtscha palo haburi andar o rustitike besocinipeskere contscha ando vestn gele. Andi Uprutni Austrija, meresch Linz, ojs upre astaripeskero than le opferenge le holocaustistar,le haburiskere prik dschivdengere dschenenge, savi le rustendar naschi dschanahi, ulo. O Karl Horvath jek lendar sina.

O Karl Horvath ando bersch 1952, vasch pomoschago dschenendar, save mindig mer leste sina taj use leste terdschonahi, ar muklo ulo, phenel o Freitag. Dschenengero ar phenipe andar i Polnija manglo ulo, kaj o vitesi tschijipe le Karl Horvatistar pal lim schaj ulo.

Leskero tschau kamla tschatschipe

Paloda jek Roma familija le upre line - leskero tschau sina, savo o kontakto uso Wolfgang Freitag upre lija, taj savo leskeri tschatschikani historija amenge phukal.

Ando bersch 1971 o Karl Horvath 55 berschenca mulo. Le Wolfgang Freitagiske ov ojs jekoschno manusch terdschol, save manuschenge afka gelo taj nisaj tschatschipe uschtidine: na angloda, na akor taj na palo haburi.

Tip

Wolfgang Freitag
Der Fall Karl Horvath. Ein Loipersdorfer „Zigeuner“ vor dem Linzer Volksgericht | 128 Seiten | 15.00 €
ISBN: 978385476-575-2