„Ruzsa Nikolić Lakatos Preis 2019“

Ando 21.2 Betschiste o erschtivar o „Ruzsa Nikolić Lakatos Preis“, ando prindschardo „Porgy & Bess“ fadim ulo. Patjardi uli i anavengeri dijaschkija lakere dschivipeskere verkiske taj lakere ande beschipeske le upre likeripeske la dajakera tschibtschatar Romanes.

On demand | Roma sam | 25.2.2019

Rusza Nikolić-Lakatos
Rusza Nikolić-Lakatos

I uschtidasckija Ruzsa Nikolić Lakatos nasvali sina taj vaschoda i enkelkija Shireen o dipe lakera babake aun lija. Paloda meg jefkar upri bühne ali taj pra babake jek dschili vidmintscha, savi le cilen upro vodschi aun astartscha.

O ledschaschi le patjaripestar „Ruzsa Nikolić Lakatos“ o Father & Bastards Romano Music Label hi. I kirati te ando keripe le Ceija Stojka Art Projectsistar inicirim ulo. Palal ada projekto terdschon la Ceija Stojkakeri bori Nuna taj lakero tschau Hojda Stojka, save aja kirati te pumara muschikaha use ada mulatintschgo use sina. I Gilda Nancy Horvath faunvortlich sina, kaj ada afka sa schaj prikbeschardo ulo. Oj te pro dschanipe upri bühne ojs rapperkija Nancy Black sikatscha. O cile dschanen saj baro ande fojnipe la Ruzsa Nikolić Lakatos ojs lovarengeri dschilaschkija la flogoskera grupnake sina taj hi.

Kirati sina le generacijendar taj te vascho „Ruzsa Nikolić Lakatos Preis“ vaschoda dschal, savo akan sako bersch terne talentenge dim ovla, save sar i Ruzsa Nikolić Lakatos le terdschivipeske la Roma tschibtschatar muschikan ande bescharen. Pasche o prindscharde bandi Amenza Ketane taj la bandaha Ruzsa Nikolic Lakatos, presentirinde pumen te terne kinstlertscha taj kinstlerkiji sar o Samuel Mago, Shireen Nikolić (enkelikja la Ruzsatar) sar o rapperi Marvin Horvath. Te le ternenge i Romani tschib jek barikano identitetakero factor hi, te vaschi ajgeni kultura taj kunst gelo.

Rusza Nikolić-Lakatos
Rusza Nikolic Lakatos

I Ursula Hemetek, muschikakeri etnologkija taj ando flogoskero muschikano forschinipe taj etnomuschikanologija upri universitata la muschikake taj sikadipeskeri kunst Betsch, likertscha jek vodschikano vakeripe taj phukatscha pedar o erschti talalinpe la Ruzsaha taj o erschti upre lipe laha. Adala o dschila sina, save le Lovarendar ando „Nationale immaterielles Kulturerbe“ la UNESCO-atar upre lim ule.

Kekaj i Ruzsa Nikolić Lakatos aja kirati naschtig odoj sina latsche mulatim ulo. O dipe lakera dschivipeskera butjake afka jek gondo beschardo ulo.

O vakeriptscha i Katharina Janoska kertscha taj duach i sendung vodinel tumen i Susanne Horvath.

Links

Verleihung des Ruzsa Nikolić Lakatos Preis 2019 | Porgy&Bess