Internacijonali Romengero Di | Roma upre sikan

„Rusza Nikolic Lakatos Preis“ ande Porgy & Bess, ROTA Romani muschikano mulatintschago ando Wiener Theater Akzent, khetan beschiptscha "Strategiji gejng o naschipe la Romana tschibtschatar“ uso Internacijonali Romengero di Erbate ande o OHO taj internacijonali diskusijonantscha taj koncerto le Harri Stojkaha ando betschitiko ORF RadioKulturhaus.

On demand | Roma sam | 18.2.2019

Rusza Nikolić-Lakatos
Rusza Nikolić-Lakatos

„Rusza Nikolic Lakatos Preis“

Oj na kamlahi ando pradipe pra muschikaha te dschal, ham sa avrijal alo sar oj le peske gondolintscha, use jek familjakero mulatintschago kesdintscha oj dschila le Lovarendar te dschilal. Odotar aun lakero muschikano dschivipe andi Austrija kesdintscha taj na buter bejg te gondolinel hi.

Ando bersch 1945 i Ruzsa Nikolic Lakatos upro them ali taj oj i lek barikani dschilaschikja le Lovarendar uli. Lakere dschila le Lovarendar ando bersch 2011 ojs „immaterielles Kulturgut“ la UNESCO-atar aun prindschardo ulo. Akan lakera butjake o „Rusza Nikolic Lakatos Preis“ vidmim taj dim ol. Palo dipe terdschol o Father & Bastards Romano Music Label, vodim le Petar Nikolićistar.

O dipe andi cukunft sako bersch kinstlerenge la flogoskera grupnatar le Romendar taj Sintijendar prik dim te ol, save vascho ter dschivipe la Romana tschibtschatar pumen ande bescharen. O kesdipe kerel i Rusza Nikolic Lakatos. O dipe la anavengera dijaschkijake Ruzsa Nikolic Lakatosjake tschetertekon, 20:00 orenge ando betschitiko „Jazz Lokal Porgy & Bess“ prik dim ol.

Romani Rose und Charlotte Knobloch
dpa
Romani Rose taj Charlotte Knobloch

Internacijonali Romengero Di ando ORF RadioKulturhaus

Ando 8. april organisirinel o erschtivar o „Verein Voice of Diversity“ jek mulatintschago ando baro „Sendesaal“ le ORF-istar RadioKulturhaus Betschiste. Use ada mulatintschago pedar i situacija le Romendar vakerdo ovla. Jek barikano punkto hi te i kultura e Romendar, savi presentirim taj mulatim ovla.

Upro podijum beschen i Romani Rose | Zentralrat Deutscher Sinti taj Roma, Ursula Hemetek | Instituto la Volksmusikforschungake taj Ethnomusikologie Betsch, Michael O’Flaherty | Agenturatar andar i EU le Grundrechtenge, Mirjam Karoly | dujto schero le austritike Romengere bajrotistar taj o Daniel Stanislav, Internacijonal „Step by Step Association“.

Stojka Ehrenzeichen
apa
Harri Stojka

O internacijonali prindschardo gitaristo Harri Stojka adale dijeske jek barikani romani muschika khetan kedla savi odoj avre muschikaschenca presentirinla.

Strategiji gejng o tschibtschakero naschajipe | Erbate

Imar ando 6. april, suboton, o internacijonali Romengeri Di la temaha „Strategien gegen den Sprachverlust“ 14:00 dschi 18:00 orenge ando „Offenes Haus Oberwart" tel likerdo ol.

Déri Miklós
Déri Miklós
Déri Miklós

Kiratiske o film "Amen sam so amen sam | Wir sind, wer wir sind“ sikado ol. O koncerto le
Ferry Janoskaha, Diknu Schneeberger taj la bandaha Romano Rath o artschijipe „die Politik des Roma-Körpers“ le Déri Miklósistar vodinla. I Romani kojnha na use falinla.

Rota Musik Fest 2019
Volkshilfe
ROTA Romano muschikano mulatintschago 2019

ROTA Romano muschikano mulatintschago 2019 Betschiste

Uso internacijonali Romengero di ando 8. april mulatinel te i inicijative THARA andar i Volkshilfe Österreich jek benefic konzerto. „ROTA Roma Musik Fest 2019“ butschol o koncerto. Le lojenca, save ande lim on kamla i inicijative THARA le „ROTA Bildungs- taj Nothilfefondske“ te pomoschinel.

Te dikel taj schunel hi balkaniskere hangi, Gypsy-Rythmen taj Roma-Rap ando 29. merc 2019, 19:30 orenge, ando betschitiko „Theater Akzent“. Pasche o phral Piller, Branko Jovanovic Bako, Moša Šišic, Erdzan Paunovic taj Nancy Black te folkloristischi khelipeskere grupn pumaro dschanipe sikavna.

Link

Rusza Nikolic Lakatos Preis
Voice of Diversity
Roma VHS Burgenland
ROTA Roma Musik Fest 2019