200 berscha „harni“ historija la familijatar Ujvari
On demand | Roma sam | 1.10.2018
Serdar Erdost
O terdschivipe la familijatar Ujvari andi nordburgenlanditiki gemajndi Halbturn kesdinel la Elisabet Ujvariaha, savi ando 12. juli 1874 upro them ali. I Elisabet Ujvari schov tschave upro them antsca.
Serdar Erdost
O Herbert Brettl, Christian Klippl | schero le kulturakere farajnistar le austritike Romendar
I historija la familijatar Ujvari valami 200 berscha gelo, o Herbert Brettl ari uschtidija. Ande aja cajt o avre mitglidertscha la familijatar upri lek telutni rik la khetanipeskera ordnungatar ando gav sina. Muguli pumaro dschivipe irinde, kaj pumen schaj asimilirinde, phukal o Brttl.
Serdar Erdost
Kekaj on mindig buti kernahi, kaj len o glajchi vertscha te on sar le gadschen ando gav, on ofertscha ule le nacijonalsocijalismusistar, phenel o Herbert Brettl.
Serdar Erdost
Kada 1954 o Georg Ujvari, o schtarto tschau la Elisabetatar, pri buti andi gemajndi ojs gemajndakero kanasi naschatscha, ov andar o gav Halbturn gelo. Afka i 200 berschengeri historija la familijatar Ujvari ando gav ar gelo.
Serdar Erdost
O Herbert Brettl andi „Fachhochschule Burgenland“ andi Tikni Martona sikal, taj imar but kenvi ari dija. Ando maschkarutno punkto la butjatar le historikeristar Brettl terdschol i historija le burgenlandistar le pharipeskere punktistar le nacijonalsocijalismusistar. Ov te peske i buti upre dija la historijake le Romendar ande Seewinkel.