„Roma-Butschu | Roma-Kirtag 2018“

I lejcti subota o tradicijoneli Roma Butschu andi Boslina tel likerdo ulo. Imar sajt o bersch 1991 talalinen pumen o dschene odoj, kaj schaj khetan mulatinen. Ada bersch o Roma Butschu telal o anav „25 berscha aunprindscharipe le Romendar ojs flogoskeri grupn“ terdschino.

On demand | Roma sam | 25.6.2018

Taj ada barikano kerdo ulo. Romano Rath, Bruji, Kalyi Jag sar i flogoskeri khelipeskeri grupn Siget, le mulatintschagoske use ada berscheskero Roma Butschu sorginde.

Jek, savo vascho aunprindscharipe le Romendar 1993 ojs flogoskeri grupn use sina, hi o organisator le Roma Butschujistar, schero le farajnistar Roma-Service sar o angle beschto le flogoskere grupnengere bajrotistar Emmerich Gärtner-Horvath.

Use leskero vakeripe ov ari asdija saj barikani i dajakeri tschib taj o terlikeripe latar hi, mint ov oda sina, savo la kodificirungaha la burgenlanditika Romana tschibtschaha kesdintscha.

Te o burgenlanditiko ungriko kulturakero farajn ojs cil le peske kertscha, i burgenlanditiki ungriki tschib upre taj ter te likerel.

Ada keren te o farajniskere grupn, sar i flogoskeri khelipeskeri grupn Tenu Erba taj Siget. Uso Roma Butschu o khelaschtscha butvar imar use sina. On ada bersch presentirinen pumare kheliptscha la flogoskera muschikana grupnaha Boglya andar Szombathely.

Ada sina jek mulatintschago le flogoskere grupnendar. Roma, Ungrike taj Horvacke, save khetan upri bühne terdschonahi, dschilavnahi ande pumare tschibtscha taj khetan o aunprindscharipe le Romendar ojs flogoskeri grupn mulatinde. Te i horvacki banda Bruji jek barikano phandlipe uso Roma esbe len taj bara vojaha on sina, kaj on upro Roma Butschu schaj cidine.

Andar o Ungriko i barikani banda „Kalyi Jag | Schwarzes Feuer“ ali, on upre sikade saj barikano o khetan likeripe le flogoskere grupnendar taj le gadschendar hi. Ada khetan likeripe upro Roma Butschu esbe te lel sina, but dschene le mindenfelitike hangenge use schunde.

I erbakeri banda Band Romano Rath pumare dschilenca i kirati ar te harongosinel mukle.