Valami 2000 dschene dschivnahi ando 1930kere berscha andi gemajnde Halbturn. Valami 50 lendar Roma taj Romnja sina. Jek le bare familijendar, save ando gav dschivnahi, sina i familija Ujvari. On, sar o lek buteder burgenlanditike Roma, bibastale koji maschkar o nacijonalsocijalismus terdschivde. O historikeri Herbert Brettl lengeri historija taj lengero terdschijipe forschintscha.
Sajt deschberschengere le uprelikeripeske Romani, i tschib le Burgenland-Romendar, kejmpfim ol. Palo aunprindscharipe le Romendar ojs austritiki flogoskeri grupn, alo o kodificirinipe taj telpisinipe, jeka dschi odoj tschak mujutna bajder dima tschibtschatar. Akan ham imar dur o schajipe del, Romani ando ischkoli te siklol.
Ando keripe le festivalostar E BISTARDE o aktivisto, pisimaschi taj komikeri Gianni Jovanovic, dikipe ande leskeri bijografija, savi na dur pal ari ali, dija. Imar o tritivar o internacijonali Romengero-teateriskero-festivalo Betschiste kerdo ulo. Ada bersch o dikipe upre dschenengere grupn paschlolahi, save telal buterava diskriminicirinipe, te andar o ajgeni grupn, tirinen.
Ando 10to jeneri 2024 erschtivar i nevi muschikakeri sendung le ORF-istar la flogoskera grupnake le Romendar te schunel hi. „Musikmosaik“ upro Radijo Burgenland, jek ora dur, muschika ande Romani cidel. Ko i sendung te schunel na dschantscha, schaj oja pedar ORF Sound palal schunel.
Khetan leskere farajniha „HANGO Roma“ mukel o Romengero-aktivisto ande leskeri nevi thajipeskeri kenva, i tradicijoneli kojnha la flogoskera grupnatar, upre te dschil. Use amende terdscharel ov upro stolo: Bangorengero gulasch à la Roma.
Newo Ziro o aunpaschlojiptscha le austritike Sintijendar fatretinel. Ov ov lek terneder flogoskero grupnengero farajn andi Austrija hi. Le Sintijengere-kulturakere diveseha, savo ande Simmering kerdo ulo, le avre dschene pedar i kultura le Sintijendar te informirinel taj teldikiptscha tel te bauninel kamla. Verbim ulo jeke hangoskere khetanipeske taj so duj riktschengere respektoske.
Ando 16to decemberi 1993 o Roma andi Austrija oficijeli ojs flogoskeri grupn aun prindscharde ule. 30 berscha paloda, akartscha i VHS Roma uso jubilejumiskero mulatintschago ando Pradimo Kher Erba. Prindscharde kinstlertscha taj kinstlerkiji andar i flogoskeri grupn, i muschika taj jek genipe, uso mulatintschago kerde.
O farajn HANGO Roma uso tradicijoneli Roma-Advent ando „Pradimo Kher Erba“ akartscha. Butenge o adventiskero mulatintschago use jek fiksi punkto andi anglutni botschitschani cajt entviklintscha pe. Adaj mindig jek mindenfelitiko programo del, savo i kultura le Romendar taj o mindenfelitiko papal te sikal taj upre te likerel. Pasche muschika, genipe taj habiptscha andar i Romengeri-kojnha, ada bersch te jek kenvakeri presentacija dija.
Upro di, angle 30 berscha, o Roma ojs schovti taj lek terneder flogoskeri grupn andi Austrija, aun prindscharde ule. But buti pekamli sina, mint o drom odoj otscha, nana loko.
Nicht alle Bilder konnten vollständig geladen werden. Bitte schließen Sie die Druckvorschau bis alle Bilder geladen wurden und versuchen Sie es noch einmal.
