|
|
|
|
|
 |
|
|
Radio Kaktus |
|
Roman- vaj Romaneseskero sikadipe
Andar o dikipe le Gereciskere tschibtschengere visenschoftleristar Dieter Halwachs o dajakero tschibtschengero sikadipe pekamlo ol.
|
|
|
|
|
|
|
|
|
I adiveskeri sendung ar pe bescharel soske taj schajiptschenca jeke dajakere tschibtschengere sikadipeha ando Roman vaj ando Romanes. Vasch oda tema mulatintscha o Betschitiko Farajn Romano Centro telal o schero la Andrea Härlejatar jek diskusijona ekspertenca taj Romenca. |
|
|
|
|
|
|
|
|
|
|
|
O anav Dieter Halwachs la tschibtschaha "Roman/Romani" igen sorale khetan phandli hi. O Gerecitiko tschibtschengero visenschoftleri uso tel pisinipe la tschibtschatar "Roman/Romani" o schero sina. I universiteta Gereci akor o sikadipeskero plan le "Romane-sikadipeske" ando burgenlanditike ischkoli arbutschalintscha. Andar leskero dikipe o dajakero tschibtschengero sikadipe igen pekamlo hi, kaj chancenakeri glajchheit te del. |
|
|
|
|
|
|
Tschuliptschengero |
|
ischkolakero tschatschipe kerel le
O Emmerich Gärtner-Horvath andar o Farajn Roma-Service ando Burgenland likerel o dajakero tschibtschengero sikadipe latsche taj angle asdel o latsche jomi ando Burgenland. O tschuliptschengero ischkolakero tschatschipe ando Burgenland upro Roma dikel taj o schajipe lenge del, kaj o "Romano-sikadipe" kerdo schaj ol. O ischkoli iste o "Romano-sikadipe" ojs naphandli ischkolakeri ora aun bitinen, kekaj tena romane fatschuvtscha odoj andi ischkola dschan, phenel o Emmerich Gärtner-Horvath. Ov ham te phenel, hot adale jerinipeske jek but berschengeri anglutni buti kerdi uli.
|
|
|
|
|
|
|
|
Tschulo dajakero tschibtschengero vakeripe
O Mozes Heinschink, savo Romanes-eksperto hi, brigaschno hi, kaj o dajakero tschibtschengero vakeripe tschulo vakerdo ol.
Te reste use aja diskusijona uso alav pele. I Vineta jek terni Romni andar Macedonija hi, savi sajt 12 berscha Betschiste dschil taj buti kerel. Oj brigaschni hi, kaj oj pri dajakeri tschib "Romanes" na siklili.
Le betschitike flogoskere grupn nan nisaj tschulipengero ischkolakero tschatschipe sar ando Burgenland taj ando Kärnten. Betschiste vaschoda ande la flogoskera grupnakero koja nisaj tschatschiptschengere schajiptscha na del, jek "Roman vaj Romanes sikadipe" ando pradime ischkoli te kerel. Jek baro problemo meg use al. I Rabia Perić, Romengeri-asistentkija ande but betschitike ischkoli phenel, hot tschule dajakere tschibtschengere meschterkiji taj meschtertscha del.
|
|
|
|
