|
|
|
|
|
|
 |
|
|
30.7.2012 |
|
"Regijona Prekmurje"
Andi Slovenija valami 10.000 Roma dschin. I regijona Prekmurje o latscho kipo la slovenischi tschulipengera politikatar sikal. Adaj barikane Roma dschin, phenel o Josef Horvath.
|
|
|
|
|
|
|
|
|
Meg angle 70 berscha adaj slovenitike, ungrike, Roma, dschidovtscha taj nimtschke dschivnahi, dschimeg o dujto themeskero haburi o khetan dschivipe kisetintscha.
Ando maschkaripe le forostar Murska Sobota, o scheroskero foro la Prekmurjejatar, o kher la lokali Roma-Unijonatar taj i centrala lengere bundakere khetanipestar terdschol, kaj lengere 23 farajnendar, desch andar i Prekmurje an, afka o Horvath bajder. |
|
|
|
|
|
|
|
|
|
|
"O socijali schtatus latscho hi"
Bojd o cile terne adaj pumari ischkola kisetinen. But Roma butschalinen, kekaj te butvar tschak ojs sajsonakere butschaschtscha. Taj but Romengere sidlungtscha andi regijona akan imar legalisirim hi taj pajiha taj elektricitetaha fasorgim hi le. Igen barikane upri autonomi Romengeri sidlung Puščca hi le, savi akan pro schelberschengero keripe mulatinel.
O socijali schtatus le Romendar latscho hi. Andi 750 dschenengeri gemajnde na del tschak ajgeni fajervea taj lobdakero khelipeskero farajn, adaj angle 50 berscha te i erschti Romengeri tschavengeri bar kerdi uli, savi adi te slovenischi tschavendar kher rodim ol, phukal o Horvath.
|
|
|
|
|
|
|
|
|
|
"Interkultureli tradicija"
Amen adaj le avre regijonenge valami 50 berscha angle sam, phenel o Horvath. Soske ado afka hi, pedar oda but diskutirim ol. Ham ada but la interkultureli tradicijaha la regijonatar te kerel hi. Amen Roma adaj tschuleder argranicalim ojas taj afka schaj pumen te o koji entviklinen.
Andi adivesakeri sendung Roma sam upro Radijo Burgenland schunen tumen buteder pedar i aktujeli situacija le Romendar andi Prekmurje.
|
|
|
|
|
|
|
|
|
Radijo Burgenland - Roma sam
|
|
|
|
|
|
|
|
|
|
