|
|
|
|
|
 |
|
|
25.6.2012 |
|
"Kakanien – neue Heimaten"
"Karandila Junior" – terne muschikaschtscha andar o Romengero than Nadezha, savo prik beschardo "gondolipe" butschol, andi Bulgarija. On upre cidine taj latsche ande lenge fitinde uso igen utsche linajiskere temperaturtscha uso mulatintschago le Burgteateristar andar o redo "Kakanien - neue Heimaten".
|
|
|
|
|
|
|
|
|
Ada sina o 2. keripe le mulatintschagoskere redostar le Burgteateristar, savo le centrali phutschajipeske palal dschal: So hi hajmat? Kinstlertscha, muschikaschtscha, poesijaschtscha, filmiskere keraschtscha vaj pisimaschtscha presentirinen adaj pumaro ajgeni use gejipe – mindig telal i reschija jeke schauschpileristar andar o Burgteateri. |
|
|
|
|
|
|
|
|
2. kirati telal o anav "Nomaden"
Akaraschi adale 2. keripestar o Philipp Hauß sina, ov o kirati telal o anav "Nomaden" terdschartscha. Taj "tschatschikan" hi le o Romengere flogi, save pumara duga nomadischi tradicijaha o pharipeskero gendo adale mulatintschagostar kerde.
|
|
|
|
|
|
|
|
Filmtscha, muschika taj teksti
Filmtscha, muschika taj teksti angle terdscharde ule. Afka sar o butvar na prindschardo taj barikano roasinipeskero pisinipe andar i Rumenija la Herta Mülleratar andar o bersch 1991 "Der Staub ist blind, die Sonne ist ein Krüppel". Oj, adaj pasche avre koji, pedar o pogromtscha ando Romengere sidlungtscha pisinel.
|
|
|
|
|
|
|
|
Le Klaus-Michael Bogdaliskero use ledschipe uso "Kakanien"-kirati ando Burgteateriskekro kasino sina i presentacija leskera kenvatar "Europa erfindet die Zigeuner. Jek historija la fascinacijonatar taj le teldikipestar".
|
|
|
|
|
|
|
|
|
|
"Nomade jek potencijal hi"
O kuratori Philipp Hauß ojs butjakero upre dipe taj schajipe le dikel, oni hajmat te dschil. O nomade – afka i tesa – nan nisaj koja, savo na mol but, ada jek potencijal hi. I rejaliteta ham avrijal ar ditschol, taj i diskriminacija le Romendar taj Sintijendar, te palo schelberschengere kaj on imar adaj tel pumen mukle, meg mindig adaj hi, phukal ov ando vakeripe la Ilona Egglaha la sendungake Radijo Kaktus.
|
|
|
|
|
|
|
|
|
oe1campus - Radijo Kaktus
|
|
|
|
|
|
|
