|
|
|
|
|
 |
|
|
8.6.2012 |
|
Programo SSZD ando 10. juni 2012
O temtscha la sendungatar: 20 berscha ZBG Erba, ischkolakero projekto "Auf Augenhöhe in Ohrenhöhe", horvacko tschibtschakero kurs ande Hornstein, biblinakero prik berscharipe andi burgenlanditiki horvacki tschib, akcijona "Ich bin gegen das Wort Zigeuner" taj o holocaustakere opfertscha le Romendar.
|
|
|
|
|
|
|
|
|
But tschibtschakeri sendung
Ando but tschibtschakero televisakero magacin le ORF-istar Burgenland, o Burgenland ande schtar tschibtscha sikal pe. I sendung "Servus Szia Zdravo Del tuha" schovar ando bersch sikadi ol. |
|
|
|
|
|
|
|
|
Sendungakero termin
Kurke, 10. juni, 13.05 orenge (VPS 13.05)
ORF 2 Burgenland
|
|
|
|
|
|
|
|
Termintscha 2012:
12. august
14. oktoberi
9. decemberi
|
|
|
|
|
|
|
|
|
|
20 berscha ZBG Erba
O duj tschibtschakero bundakero gimnasijum Erba pro 20 berschengero jubilejum jeke mindenfelitike programiha mulatintscha, savo le ischkolaschendar taj meschterendar kerdo ulo. O jubilejumiskero mulatintschago agune ischkolaschendar, politikerendar taj avre dschenendar kher rodim ulo.
|
|
|
|
|
|
Ischkolakero projekto "Auf Augenhöhe in Ohrenhöhe" |
|
70 schtudentscha la pedagogischi utscha ischkolatar Burgenland khetan pumare profesortschenca jek projekto ar butschalinde, ande savo i mindenfelitiki kultura le Burgenlandistar ando erschti redo terdschol. O cukunftakere flogoskere ischkolakere meschterscha neve situaciji keren, kaj i projektiskeri buti le tschavenca schaj siklon. Afka dschal andi "muschikakeri tschibtschakeri verkschtot" vascho flogoskere grupnakere tschibtscha horvacko, ungriko taj Romanes.
|
|
|
|
|
|
|
|
Horvacko tschibtschakero kurs ande Hornstein
Buteder sar 60 dschene andar Hornstein ando lejcti masektscha jek horvacko tschibtschakero kurs kher rodine, savo le horvacke kulturakere farajnistar, la VHSatar le burgenlanditike horvackendar taj la gemajndatar Hornstein organisirim ulo. O kurs, savo le kesdaschenge koncipirim ulo, ande desch falati tel likerdo ulo. But lendar uso arto kurs, savo bajder kerdo ol, use ovna.
|
|
|
|
|
|
Biblinakero prik bescharipe andi burgenlanditiki horvacki tschib |
|
O aguno raschaj andar Klingenbach, Monsignore Stefan Geosits, ojs schtudirimo biblijologaschi imar but deschberscha pe le prik bescharipeha le dschelne pisinipestar andi burgenlanditiki horvacki tschib donde bescharel. Andi dis Esterházy pre dschi akan kerde butja angle terdschartscha. Valami 30 prik bescharde kenvi andar o Phuro Testamento taj te imar andar o foro Rom aprobirime taj te na aprobirime lekcijontscha la mischake.
|
|
|
|
|
|
|
|
O holocaustakero opfertscha le Romendar
O afka akardo "Zigeunerlager" Lackenbach ando novemberi 1940 ande jek aguni esterházyschi gadschikani vora kerdo ulo. Valami 4.000 Roma taj Sinti andar i cili Austrija ande ada logeri, dschimeg o haburi ar sina, mujsinipeskeri buti iste kerde. But lendar ande bare logertscha ledschim taj murdarde ule. Saj jekoschne terdschaviptscha palo baro gendo le holocaustakere opferendar pe garul, jek visenschoftlichi projekto sikal, savo ando gemajndakero kher Lackenbach angle terdschardo ulo.
|
|
|
|
|
|
|
|
Akcijona "Ich bin gegen das Wort Zigeuner"
O aguno nugodinipeskero than le Romengere- taj Sintijengere familijendar ando betschitiko Barankapark use odola thana kerinel, katar o nacijonalsocijalistscha but manuschen ando logertscha ledschine. O sako berscheskere gondolipeskere mulatintschage ando Barankapark telal o gondo "Pre tume ame gindinas, Romale/Wir gedenken Euer!" terdschon. Ada bersch te i kipengeri akcijona le Harri Stojkastar "Ich bin gegen das Wort Zigeuner" presentirim uli.
|
|
|
|
|
|
