|
|
|
|
|
 |
|
|
|
|
Programo Del tuha ando 12. feberi ´12
O temtscha la sendungatar: Horvackengero mulatintschago Betschiste, teateriskero khelipe "Gipsy Stop Dancing",20 berscha "Initiative Minderheiten", OHO projekto "Federnschleißen", CD "30 berscha Krowodnrock", Romano Mulatintschago ando OHO.
|
|
|
|
|
|
|
|
|
But tschibtschakeri sendung
Ando but tschibtschakero televisakero magacin le ORF-istar Burgenland, o Burgenland ande schtar tschibtscha sikal pe. I sendung "Servus Szia Zdravo Del tuha" schovar ando bersch sikadi ol. |
|
|
|
|
|
|
|
|
Sendungakero termin
Kurke, 12. feberi, 13.05 orenge (VPS 13.05)
ORF 2 Burgenland
|
|
|
|
|
|
|
|
Termintscha 2012:
8. april
10. juni
12. august
14. oktoberi
9. decemberi
|
|
|
|
|
|
|
|
|
|
65. Horvackengero mulatintschago Betschiste
O horvackengero mulatintschago Betschiste upre jek dugi tradicija schaj pal dikel. Ada bersch le burgenlanditike horvacke kulturakere farajnistar, Betschiste o 65to var kerdo lo ulo. Use ada baro khetanperipe i betschitiki mulatintschagoskeri tradicija taj i horvacki tradicija talalinen pumen. I tema le ada berscheskere mulatintschagostar sina "Austrija, Ungriko, Horvacko – Trin vilagi cukunftaha".
|
|
|
|
|
|
|
|
Teateriskero khelipe "Gipsy Stop Dancing"
O Romengere schauschpilerkiji Sandra Selimović taj Simonida Jovanović pasche lengera schauschpilerengera butjatar meg te ande jek teateriskero farajn butschalinen. Romano Svato - Svato andi romani tschib "Zunge" butschol, afka akarel pe o farajn, savo o duj kinstlerkiji ando lejcti bersch kerde. Na dur pal, ando "Palais Kabelwerk" Betschiste lengero erschti teateriskero khelipe le anaviha "Gipsy Stop Dancing" presentirim ulo. Jek falato pedar jek Romengeri bokserkija.
|
|
|
|
|
|
|
|
20 berscha "Initiative Minderheiten"
Na dur pal, i "Initiative Minderheiten" pro 20 berschengero jubilejum mulatintscha. I organisacija, savi pe le tschatschipenge le cile austritike tschulipenge ande bescharel, use jek simbosijum pedar pri buti, bilanca cidija. Uso kisetinipeskero mulatintschago i banda Bruji i muschika kertscha.
|
|
|
|
|
|
|
|
OHO projekto "Federnschleißen"
Sina o "Federnschleißen" meg angle valami 50 berscha jek tradcijoneli gadschengeri buti le dschendeskere masekenge, akor na dschanel adi i terni generacija adale alaveha nischta na te kesdinel. O Pradimo Kher Erba (OHO) telal o anav "Federschleißen" use jek loschando talalinipe le dschuvlendar andar o cile burgenlanditike flogoskere grupn, akartscha.
|
|
|
|
|
|
|
|
CD "30 berscha Krowodnrock"
Kada o bersch 2010 ar sina o afka akardo "Krowodnrock" taj i banda Bruji pumaro 30. Berschengero jubilejum jeke bare mulatintschagoha andi KUGA Großwarasdorf, mulatinde. Vaschada jubilejum o ORF Burgenland jek CD kertscha, upre savi o cile bandi upre hi, save use ada barikano mulatintschago use sina.
I CD "30 berscha Krowodnrock" odoj presentirim uli, kaj sa kesdintscha, ando kafe andi KUGA ando gav Großwarasdorf. 10 Euro koschtalinel i CD, savi andi flogoskeri grupnakeri redakcija le ORF-istar Burgenland, kindi schaj ol.
|
|
|
|
|
|
|
|
Romano Mulatintschago ando OHO
O Pradimo Kher Erba (OHO) ada bersch o than sina, kaj o "Romano Mulatinschago 2012" tel likerdo ulo. O utschipeskere gende sina o dschilajipe le ungrike Elvis imitatoristar Chubby Pál Csaba taj o völinipe la Romengera Kiralkijatar 2012. I muschika o bandi Romano Rath taj i Hans Samer Band kerde.
|
|
|
|
|
|
