|
|
|
|
|
|
 |
|
|
27.2.2010 |
|
Cajtceugengero kino
Ando 21. feberi ando "Spittelberg Kino" i "Visible" portraitengero redo la Marika Schmiedtatar presentirim ulo. Sikade ule o portraits le cajtceugenendar Dagmar Ostermann taj la Ceija Stojkatar.
|
|
|
|
|
|
|
|
I Ceija Stojka ando vakeripe la Gilda Horvathake phentscha, hot oj ande i adiveskeri cajt but diskriminacija dikel, sar ande "Slogans" sar "Daham statt Islam".
O VISIBLE kerel andar o logeriskero khetanipe Ravensbrück jek kedipeskere videjoakere vakeriptscha andar o berscha 1998 – 1999 taj neve upre lime vakeriptscha le prik dschivipendar le logerendar ojs filmakero redo. Sikade on desch portraits le prik dschivde dschuvlendar, save meg dschin.
|
|
|
|
|
|
|
|
|
|
|
|
"Te amen vakeras Romanes"
Ando keripe jeke lieraturakere projektistar akartscha i Monika Kerschbaumer, meschterkija andi flogoskeri ischkola "Europitiki ischkola" Vorgartenstraße, le Roma-raperi Muadin Memis aka "Schoko MC", kaj le tschavenca usi tema Romani tschib te butschalinel. I Romani tschib adaj barikanipe uschtidija, mint, "Ande amari ischkola o cile schaj upre pumari kultura taj dajakeri tschib barikane hi", phenel i meschterkija Kerschbaumer.
Schoko MC la butjatar le tschavenca loschane sina. "Me schoha na gondolintschomahi, kitschi gondi pumenge tschave ande adale berscha imar keren. Me man loschanav, kaj on pradon sa phukan taj bastalo pedar oda som, kaj te asaj latsche manuscha andi ischkola del."
|
|
|
|
|
|
|
|
Emmerich Gärtner-Horvath, ORF Volksgruppenredaktion
|
|
|
|
|
|
|
|
|
