10. Gondolipeskero mulatintschago Baranka Park | Mulatintschago le dschivipeske

Ada bersch imar o deschtovar ando Baranka Park o gondolipeskero mulatintschago ando betschitiko becirk Favoriten tel likerdo ulo. Ov sako bersch le farajnistar „Voice of Diversity“ ando 20. maj, kaj o Johann Mongo Stojka, muschikaschi, pisimaschi, prik dschivdo le logeristar taj cajtakero ceuge, upro them alo, organisirim ol.

On demand | Roma sam | 28.5.2018

Upro Roma taj Sinti gondolim ol, savo le nacijonalsocijalistendar murdarde ule. O gondolipeskero mulatintschago te ojs khetano „mulatintschago le dschivipeske“ diklo ol.

Harri Stojka und Moša Šišic

orf | rasnerova

Kinstlertscha Harri Stojka taj o Moša Šišić

Harri Stojka

orf | rasnerova

O prindschardo gitaristo taj „Jazz“ muschikaschi, Harri Stojka, tschau le Johann Mongo Stojkastar, palgondolinel upri erschti gondolipeskero mulatintschago ando Baranka Park, agun meg ande ando „Saletl lo sina“: „Schaj hot desch dschene odoj sina. Amen na sorale cidijam taj oda usar jek bersch uso ka mindig bareder ulo.“

Roman Grinberg & Klezmer Trio

orf | rasnerova

Roman Grinberg & Klezmer Trio

Use sina use ada mulatintschago i muschikani ischkola andar Favoriten „Odeon Ensemble“, o muschikaschtscha Roman Grinberg & Klezmer Trio, Moša Šišić, Harri Stojka taj o dschilaschengero keraschi Ernst Molden.

I dschilaschkija Doris Stojka andar i kenva lakere dadestar „Papierene Kinder“ gentscha, kaj ov pro pal gondolipe peskera familijatar upri Hellerwiese (adi: Barankapark-Hellerwiese), savi le Romenge taj Sintijenge sajt o 18. schelberschengero ojs logeriskero than dinintscha, upre likertscha taj te upri bibastali cajt paloda, savi ali.

Doris Stojka liest aus dem "Papierene Kinder"

orf | rasnerova

Dschilaschkija Doris Stojka gentscha andar i kenva lakere dadestar Mongo „Papierene Kinder“

O Baranka Park adala divesa use jek talalinipeskero than ulo, kaj na tschak upro opfertscha le nacijonalsocijalismusistar gondolim te ol, on te use ada schukar kulturakero multintschago nisaj argranicalinipeha taj diskriminacijaha te mulatinel kamna.

Ernst Molden

orf | rasnerova

Dschilajengero keraschi Ernst Molden

Baranka Park Gedenkfeier 2018

orf | rasnerova

O flogoskero grupnengero magacin „Servus | Szia | Zdravo | Del tuha“ sikal pedar ada mulatintschago ando 10. juni 2018, 13.05 orenge, ando ORF 2 Burgenland.

"Amen loschanas amen, muschika te kerel taj amen kamaha amara muschikaha upre te sikal, upre odola manuscha, sar o mindenfelitike muschikane riktscha, sar i dschidovtschengeri muschika, i betschitiki muschika taj i Romani muschika, hot na igen avrijal li hi. „Aja muschika iste upre likerdi ol, na tromal naschadi te ol, aja tradicija taj kultura hi savo amen le cilen ar kerel“, phenel o Harri Stojka use ada berscheskero mulatintschago ando Baranka Park, savo o anav pal leskera dadeskera babatar Helene „Baranka“ Huber uschtidija.

Baranka Park Gedenkfeier 2018

orf | rasnerova

Link

Gedenken im Baranka Park | Verein „Voice of Diversity“